>From: Jay Bowks <[log in to unmask]>
>Date: Mon, 5 Feb 2001 19:43:30 -0500
>
>From: Mario Malaguti <[log in to unmask]>
> > scribe Stan Mulaik, con su obstinate uso de aquelle que me provoca > le
>vomito, io me debe proponer uno o duo altere lectura de iste articulo per
>
>Car Mario,
>Ha legite tu alcun del scriptos per Bakonyi?

Io ha plus vices legite Civilisation e Lingua Universal - Essayo
historico-cultural e linguistic per Dott. Ing. Stefano Bakonyi, Editor Hugo
Fischer, Copyright by Fundation Bakonyi Pro Lingua Universal, Luzern 1978.
Pro me il es como leger un obra in italiano. Lo legeva tu?

Un passo: Le libro presente es le fructo de multe annos de recercas. Le
virtute, que le autor cercava practicar in le studio presente, es le
humiltat in facie de factos, secundo le immortal consilio de T.H. Huxley.
"Sede te avante un facto como un infante. Sia preste ad abandonar omne
notiones preconcepte. Seque humilmente a non importa qual parte, et a non
importa qual abissos. Natura va guidar te - o tu va apprender nihil".

320 paginas in iste stilo!

>Ille habeva un forma de Interlingua un poc
>a su proprie stylo. Assi, Gode, in su sagessa
>opinava que omne qui vole poterea usar
>Interlingua como illes pensa que illes debe
>usar lo. Ma con le parolas de caution que
>qualque scriptos officialmente publicate
>per un organisation representante deberea
>continuar le formas establite per le IED.

Ecce le IED! E il es un damno pro Interlingua e Interlng non sequer le IED
si in le IED on jam trova le solution. Simple no?
Io pote italianisar un termino de Interlingua, pro error, o ignorantia e non
anque pro pretention, alteremente io deberea non frequentar Interlng.
Isto es troppo pro te?

>Berger faceva multe additiones e fortiava
>su uso preferential in multe scriptos que
>ille publicava. Cosas como "ma", "ci" etc.

Io possede alcun numeros de Collection Pro Interlingua per Ric Berger:
Alcun exemplos:
Pauca, sed bona: Pauco, sed bon.
Hic jacet: Hic jace.
Usque hodie nemo poteva alique contra iste tabu religiose. Ma il sembla que
un succedaneo al vacca era trovate (in India): le buffalo, un cosino del
vacca. ... Lor feminas da un lacte duo vices plus grasse que iste del
vaccas, ma anque multo minus abundante.

>Que Stan prefere usar "aquelle" e "aqueste"
>in veritate non es grande cosa e io non pote
>creder como illo te enoia. Illo me pare un
>exercitio del stylo personal de un amico
>usator del belle lingua international.

Jay tu face un uso erronee del termino amico. Stan, como qualcunque altere
contributor del lista es nostre amico. Isto non evita que Stan, qui sape
practicar ben Interlingua, me enoia con su absurde experimentationes in
Interlng. Io non es le sol qui non ama iste deviationes e io non es le sol
qui scribe isto. Perque Stan non publica tante paginas in rete ubi ille pote
facer le uso de un lingua que ille vole?

"Ille diceva multo ben de isto. Illa era hic con su tres filios. Primo, vos
ha torto, secundo, il es inutile parlar de isto".
Exemplos in Curso de Interlingua in bulgare per Yro M. (Io non sape scriber
le integre nomine con mi claviero)

"Io opina que iste flores son plus belle que illos".
Exemplo in Interlingua Jezyk Miedzynarodwy Gramatyka Opisowa per Miroslaw
Wiechowski.

>Io non
>time que le belle lingua vadera al via con
>un pluritate de dialectos. Jam al internet
>on trova le Interlingua-Romanica que es
>un expression personal de un juvene
>espaniol que vole trovar un denominator
>commun inter le linguas romanic e iberic,
>me pare, io totevia non comprende ben
>le proposition de un "Interlingua-Romanica"
>e ille anque propone un "Interlingua-Vasconica"
>un union del dialectos basc... Io crede...
>ma in mi opinion illes que non son nostre
>inimicos, son amicos nostre.

Non necessarimente illes es mi amicos perque illes usa un lingua que non es
de mi interesse pro le sol facto que io non lo cognosce. Illes son homines e
como homines illes ha mi respecto. Le amicitate es un altere qualitate del
homine que non es generalisate, alteremente illo non serea amicitate ver, ma
un synonymo pro definitiones minus importante.

>Assi que debe nos attender in le proxime
>futuro?
>
>Io crede que Interlingua pro medio del
>internet essera trovate per milles de
>personas que lo apprendera e usara
>e multe de illos includera lor proprie
>modismos e preferentias. Assi que non
>te preoccupa tu, Mario, le Interlingua
>supervivera, e il sempre habera le
>denominator commun presentate per
>le IED e le regula de tres. Ma como
>qualcun platto saporose le uso de
>interlingua habera le species condimentari
>que place cata uno, jam aromatic, jam
>piccante, jam salate. Le individualismo
>addera al diversitate ma anque al union
>cohesive de omne le usatores del belle
>lingua international.
>
>Amicalmente,
>Jay B.

Como sempre nos pote dicer toto e le contrario de toto, ma isto es anque un
belle e bon perdita de tempore, car Jay.
Necuno attende con anxietate mi textos in iste lista e quando io los invia,
io intertanto ha appaciate mi necessitate de practicar Interlingua.
Seque le placer de leger altere textos, obviemente in Interlingua, que es le
contrario de un dialecto, o de un massa de dialectos.
Nos, in iste lista, non debe haber le vocation de esser le precursores de
dialectos, al contrario nos debe demonstrar como se pote practicar
Interlingua, nonobstante nostre lingua matre.
Isto e solmente isto da le derecto de domiciliar se in Interlng, pro un
simple question de politessa.

Ciao,

Mario Malaguti

_________________________________________________________________________
Get Your Private, Free E-mail from MSN Hotmail at http://www.hotmail.com.