Car amicos!

Io  ha confirmate a Valla folkhögskola in Linköping (Collegio pro adultos, un schola-internato) , que pote evenir  le 

CURSOS INTENSIVE a duo nivellos mercuridi le 30 de julio - venerdi mediedie le 1 de augusto 2008  sequite immediatemente per 
INCONTRO NORDIC postmeridie venerdi le 1 de augusto - mediedie dominica le 3 de augusto (con lunch includite)

Tote membros de UMI es cordialmente benvenite!
Le reunion annual de SSI habera loco durante le Incontro. 
Al cursos naturalmente tamben non-membros es benvenite, e nos pete OMNES recrutar participantes. 

Nos ha localisate iste Incontro, que essera un substituto pro le Conferentia International, al citate  Linköping con le universitate como le vicino le plus proxime, proque Linköping es multo facilemente accessibile al strata E4, e al linea ferroviari inter Malmö e  Stockholm e apud un aeroporto con connexion con Copenhagen e con plure connexiones domestic. Nostre idea es que e le Cursos e le Incontro debe esser attractive a extra-nordicos, le quales es particularmente benvenite!

Le precios  include habitation, jentaculo, lunch (calide), caffe o the, cena (calide) e caffe o the. Camera singule 610 SEK per die e persona. Camera a duo lectos 540 SEK. 
Ducha e toilette in cata camera.

In le salas conferential equipamento technic es disponibile, p.ex. duo "cannones computatorial". Connexion a internet.

PER FAVOR, e isto es urgente - indica vostre interesse si tosto como possibile per un message electronic o telephonic a [log in to unmask]   
Un scheda de inscription non ancora es preste. Isto es un inquesta preliminari, ma tamen importante, pro poter calcular de numero possibile de participantes e informar le schola que naturalmente ha altere sollicitatores. 

Il es multo importante que omnes me adjuta distribuer iste message a altere compatriotas que forsan non ha essite attingite.

Salutes amical,

Ingvar Stenström
Vegagatan 12
SE-43236 VARBERG, Svedia
Tel. +46-(0)340-15053
ingvar.stenstrm (at) telia.com 
Signatura in Skype: ingvarst
www.interlingua.nu
www.interlingua.com

Iste message es distribuite per Erik Enfors.

--
Archivos e disabonar: http://listserv.icors.org/archives/INTERLNG.html