COMPRENDER LE ANALYSTA DE SYSTEMAS (I)
Duo studiantes de Analyse de Systemas camminava per le campus quando un de
illes ha dicite:
"Ubi tu ha obtenite aquelle magnific bicycletta?"
Le secunde ha respondite:
"Ben, io camminava in giro heri, pensante a mi travalios, quando ha
apparite un formose femina con iste bicycletta. Illa ha jectate le
bicycletta al solo, ha retirate tote le vestes e ha dicite: 'Prende lo que
tu vole.'"
Le prime studiante ha nutate affirmativemente:
"Bon option! Le veste probabilemente non haberea servite a te!"
====================
COMPRENDER LE ANALYSTAS DE SYSTEMAS (II)
Un architecto, un artista e un analysta de systemas discuteva si era
melior passar le tempore con le sposa o con le amante. Le architecto ha
dicite que ille appreciava passar le tempore con su sposa, construente un
base solide pro un relation durabile. Le artista ha dicite que ille
appreciava passar le tempore con le amante, perque con illa ille trovava
passion e mysterio. Le analysta de systemas ha dicite:
"Io apprecia ambes."
"Ambes?!"
"Si. Si tu ha un sposa e un amante, cata un de illas pensa que tu passa le
tempore con le altere, e tu pote ir al interprisa pro finir le travalio!"
====================
COMPRENDER LE ANALYSTAS DE SYSTEMAS (III)
Pro le optimista, le tassa es medio plen. Pro le pessimista, le tassa es
medio vacue. Pro le analysta de systemas, le tassa ha duo vices le
volumine que illo deberea haber.
====================
COMPRENDER LE ANALYSTAS DE SYSTEMAS (IV)
Un analysta de systemas transversava un strata un die, quando un bufon le
ha appellate e le ha dicite:
"Si tu me basiara, io me transformara in un belle princessa."
Le analysta de systemas se ha inclinate, ha prendite le bufon e lo ha
mittite in le tasca. Le bufon ha parlate de novo, e ha dicite:
"Si tu me basiara, io me transformara in un belle princessa, e io restara
con te durante un septimana."
Le analysta de systemas ha retirate le bufon del tasca, ha surridite a
illo e lo ha mittite in le tasca de novo. Alora le bufon ha critate:
"Si tu me basiara, io me transformara in un belle princessa, io restara
con te, e io facera toto que tu volera."
Un altere vice le analysta de systemas ha prendite le bufon, surridite a
illo e mittite lo de novo in le tasca. Finalmente le bufon ha inquirite:
"Qual es le problema? Io ha dicite que io es un belle princessa, que io
restara con te durante un septimana e facera toto que tu volera. Perque tu
non me basia?"
Le analysta de systemas ha dicite:
"Vide, io es un analysta de systemas. Io non ha tempore pro inamoratas, ma
un bufon que parla es multo interessante!"
====================
Analyticamente,
Ensjo.
Interlingua--English Dictionary:
http://www.interlingua.com/dict-instructiones.htm
|
