d[010209] x[Allan Kiviaho] KivA-129
s[Re: Linguas indoeuropee]

[log in to unmask]
[log in to unmask]
[log in to unmask]

---------------------------------------------------------------
Ferenc Jeszszensky 010208: Excusa me, per favor, ma e le
linguas baltic e le greco e le albanese es linguas indoeuropee.
---------------------------------------------------------------

Un lapso massive de mie! Io habeva cecmente in mi
mente le finnese-estoniano-hungaro. On deberea dicer:
"Linguas non-romanic e non-germanic".

Naturalmente le greco es "la matre de omne linguas
indoeuropee" in Europa. E le latino es le filio.

E io ha "semper" sapite que le lituano e latviano son
le "plus original" (le plus archaic) de linguas
indoeuropee in Europa. E que le ancian prusso era
parentes de illos.

Quando nos son a nostre cabina finseptimana in le
foreste io sovente ascolta radioemissiones de Latvia e
Lituania. Con su vocales clar e "latin" iste linguas
sembla finnese etsi io comprende a pena un singule
parola.

Paradoxemente le radios de Latvia e Lituania son melio
audibile in Finlandia quam illo de Tallinn, Estonia,
post le collapso del Union Sovietic. Io crede que
quando Estonia era occupate per le Union Sovietic le
estonian stationes de radio era usate pro emissiones
de propaganda al plus distante partes del mundo.
Fugitivos estonian era ja mesmo in Australia.

Mi programmas favorite in nostre foreste son etiam
illos de Romania e Serbia. Le romaniano es un
multissime belle lingua e su stationes de radio
(Bucuresti i Iassi) habeva semper essite ben audibile
in Finlandia. Le musica folklor de Romania e Serbia
es divin. Infortunamente post le attaccos aeree per
le OTAN durante del guerra de Kosova on non plus pote
audir le emissiones del "Radio i Televizija Srbija,
prvi programa" in nostre foreste.

Nos ha un parve radio russe qui ha un cassa de ligno.
Illo era multo non-costose sed ha un qualitate
phenomenal. Radiotechnologia era un branca ben
developpate in le Union Sovietic jam in le 1930'es
pro su area enorme e besonia de diffunder le
evangelio marxiste-leniniste-staliniste.

-------
Albania
-------

Io non memora quando io legeva que mesmo le
shqipetaro es un lingua indoeuropee. Le shqipetaros
ha ja probabilemente venite a Europa ante le grecos
(ab Somalia super Caucasia).

Nostre familia incontrava le albanos le prime vice
AD 1979 o 1980 in le festival international del musica
folklor in Kaustinen (iste festival es de fama
mundial, un municipalitate de 7000 gente organisa cata
anno un festival ubi on ha mesmo 100 000 visitantes).

Le gruppo albanese era de ultime qualitate e illes
totalmente capturava le cordes del populo finlandese.
Duo cantatrices albanian cantava le canto "Kotimaani
ompi Suomi" (Mi patria es Finlandia) in finnese con
tal brilliantia que le applausos nunquam finiva.

In 1984 o 1985 quando io laborava in Helvetia nostre
familia veniva a Winterthur pro attender a un concerto
albanian. Illo deveniva a un massive demonstration
politic contra Serbia. Le publico consisteva de
albanos ex Kosova sed le gruppo de artistes visitante
era ex Albania proprie. Un grande gruppo le kosovares
veniva ab Germania, multe viros portava un blanc
calotte national.

Nostre familia era forsan le sol personas non-
albanese. Ante le concerto comenciava al minus 1000
viros startava critar rhythmicamente e con volumine
terribilissime: "ENVER PARTI ... ENVER PARTI ...
ENVER PARTI ...!!!"

Nostre familia se trovava un poco in panico sed le
albanos era multo amical contra nos.

Plus tarde quando nos comprendeva que iste homines
feroce non vaderea mangiar o non mesmo occider nos
nostre filia, tunc 16 annos, me demandava
sarcasticamente in anglese (nostre infantes
frequentava un schola american in Helvetia): "Who
is that Enver Party after all, who seems to be their
God?".

Io mesmo hodie non sape qual iste "Enver parti"
significava sed io suppone que le partito communista
albanese, cuje capite era Enver Hoxha.

Retro in schola quando Mr. O'Bryan, un magistro
statounitese, demandava que qual omne pupillos habeva
facite durante le finseptimana nostre filia
respondeva: "I was attending an international Enver
party".

Hodie Finlandia ha multe fugitivos ab Kosova. E un
battalion finlandese es in Kosova sub UNO e un brigada
britannic pro operationes pace-tenente.

Con salutos indo- e finnoeuropee

Allan