Car Amicas e Amicos,

scribeva Kjell R. "Forsan io debe explicar que io pleno (*) supporta
interlingua in le scholas, ma tunc on debe haber un ben elaborate material,
libros e audiovisuales pro attinger un bon resultato. Ma isto es un altere
cosa".

Hodie iste nova in Italia: un classe con su professor de informatica ha
ideate e jam realisate le registro de classe internet. Le parentes, per le
medio de un password, potera in lor domos sequer le annotationes per le
docentes, le presentia del alumnos a schola e le resultatos in le studio
del filio, per le medio de internet e in tempo real.

In Italia in le scholas ora le pueros ha le computer e on habera internet
que veni offerite gratis in iste anno scholastic, jam initiate.

Pro interlingua in le scholas del mundo illo que debe esser possibile es de
incontrar altere pueros de altere Paises pro practicar interlingua. In le
scholas como a proprie domo. Illo que es jam publicate, per exemplo in le
sito del UMI, es jam sufficiente si un puero italian pote scriber un simple
message a uno svedese. Illo que sera necessari es facilitar iste incontro.
Le pueros facera le resto, sin docentes, ni genitores e isto sera ben.
Illes se debera scriber inter lores, alora interlingua habera suite.
Anque in iste caso nos non ha tempore pro facer troppo, ma il serea
bastante provocar le incontros.
Si 10 pueros in le mundo potera communicar per le medio de interlingua,
illes pensara como extender le contactos inter lores e alteres coetanee.

Un bon interlingua venira postea; antea nos debe haber le incontros.

(*) In italiano on dicerea: in plen o plenmente.

Ciao,

Mario

Mario Malaguti
mailto:[log in to unmask]
Strada Bibano, 9 - 31100 Treviso (Italy)
tel. (+39) 0422 420790 - fax (+39) 0422 420789
http://www.i-gi.com