Ecce parte duo (ab tres partes) de un traduction de un articulo del
sito de interrete de Scientific American
http://www.sciam.com/explorations/2001/100101chandra/

Vostre commentos esserea benvenite. Gratias.

Walter Peterson


Le Foramine Nigre [Black Hole] Celate del Via Lactee

Recercatores habe postea usate information super le flamma subite pro
poner limites nove sur le grandor del foramine nigre e  le materia que
lo circumsta. Durante 10 minutas del evento de tres horas, le flamma
subite se obscurava momentanemente. Ille vacillation de luminositate
era tote del qual le astronomos habe habite besonio pro determiner le
grandor del flamma subite. Proque le regiones diverse del flamma
subite pote reagir se solo tanto rapidemente como le velocitate de
lumine permitte, si le flamma subite integre se obscurava durante un
periodo de 10 minutas, ergo le flamma subite non poterea esser plus
que un largor de 10 lumine-minutas [light-minutes].

Dece lumine-minutas corresponde ad un distantia de 100.000.000 millias
(161.000.000 o 200.000.000 kilometros), approximativemente le
distantia del terra al sol, assi recercatores habe determinate que le
flamma subite non era plus grande que le orbita del terra. Assi illo
haberea essite circa 20 vices plus grande que le grandor predicte pro
le foramine nigre. Totevia, recercatores crede que illo poeterea esser
anque plus parve: Presso le superfacie de un foramine nigre, le
tempore se relenta a cessation, explica Gordon Garmire de Universitate
de Penn State, un membro del gruppo de collaboration que discoperiva
le flamma subite. Per consequente, le intervallo apparente de 10
minutas que le recercatores habe usate pro determinar le dimension del
flamma subite ha potite esser actualmente plus breve. Indifferent del
duration precise, le gas que crea le flamma subite era plus presso al
superfacie del foramine nigre que alicun altere objecto observate
usque nunc.