Allan Kiviaho wrote:

> PROQUE NON ANGLESE?
>
> Anglese es improprie como un lingua commun de Europa
> continental. Phonemas del quasi omne linguas europee
> son bastante similar del latino classic e le
> orthographia es  relativemente phonetic. Le vocales
> del anglese son debile e turbide e le orthographia de
> anglese es totalmente chaotic. On non pote presentar
> le proprie nomines europee sed illos deberea esser
> anglificate.

In mi opinion le anglese como le sol lingua in le Union Europee poterea
esser multo acceptabile. Tote le paises membros jam ha competentias de
usar le anglese in lor contactos international.

Mesmo pro nos non-native parlatores de anglese il ha le avantage que il
ha milliones de personas qui _sape_ qual es le forma correcte.

Lateres dubitose es:
Le paradoxo, que omne le organisationes international ha porta-voces qui
es native parlatores de anglese.

Altere grande paises non vole acceptar le hegemonia de anglese (il es
difficile haber creite que on es un potentia mundial e subito vider que
on es reducite al secunde rango. On serio non debe subestimar
sentimentos de un tal degradation.

Esserea amusante vider que occurrerea si le population in general
comenciava parlar interlingua (in Svedia o Finlandia, Russia). Le
Svedophonos poterea cultivar su cultura, Le finnos le sue e Interlingua
esserea le loco de incontro del ambes! Hmmmm.

E le russos, finalmente illos haberea un utensile pro le contacto con le
extraniero que es _bastante plus efficace_ que unquam anglese o
francese.


> Como un lingua de superpotentia anglese menacia
> national culturas e linguas europee. Como un lingua
> neutral  Interlingua preserva le ricchessa
> multicultural de Europa. Differente unite!

On pote dicer que le unification va ir plus glattemente per interlingua.
Le problema con un lingua unificari non es que illo menacia le culturas
natioanl ma que isto occurre troppo rapido.

> Proque Europa con su fer hereditage classic se
> resignerea  sub hegemonia de un transatlantic lingua
> que ha perdite le claritate e beltate del latino
> classic?

Hmm, ego senti que ego debe ir in defensa del anglese. Anglese es
parlate anque in Europa (vole ben notar le large insulas al occidente!).
Como parlator non-native ego permitte me opinar que le idioma american -
pro me, como ego lo ha audite in films e per radio e TV es multo plus
clar e comprensibile que illo del Insulas Britannic, malgrado que le
britannic variante era lo que nos apprendeva al schola e ego pote
producer un satis bon Pronunciation Recipite si on puncta un pistoleta
verso mi capite.

Alteremente mi inspiration es le films american, le westerns del Feroce
Terra Occidental. "You've gotta hold them horses!"

> PROQUE NON ESPERANTO?
>
> Simplemente proque Esperanto es un caricatura de un
> lingua, como vos pote vider in sequente exemplos.

Esperanto non es un caricatura. Illo es un lingua con un certe sapor.
Illo ha un altere concepto simplemente. On debe usar multe eloquentia in
linguas national pro propagar lo e le successo de esperanto depende del
carisma e credibilitate del propagatores. Interlingua del altere latere,
se propaga automaticamente. Interlingua es un lingua de propagation a
basse energia.

> Esperanto era developpate in curte tempore per un
> amateur linguistic, sr Zamenhoff, un oculista.

Que era un "impressionista" tremende. Esperanto esserea bon si il non
haberea le _si_. Le cosa con esperanto es que gradualmente que on deveni
capabile in illo on vide que il ha altere solutiones essente optime.

In mi opinion le puncto debile de esperanto es justo isto que _omnes_
debe apprender lo. Que on _debe_ esser organisate pro poter usar lo.

Con interlingua ego haberea profito mesmo si ego esserea le sol parlator
de illo.

Ha, aproposito. Esque vos sape que il ha solmente 8 personas qui parla
interlingua? Isto es le opinion expressate per un esperantista danese.
Forsan ille ha su "statistica" de un vetere numero de Heroldo de
Esperanto ubi nos era sex parlatores, ille ha obviemente credite un
augmentation desde le 70 per 2.

Nos non besonia humoristas. Basta observar le realitate. Hehehehe!

Cellus