Presentation: Carl Bildt es le capite (lider) del Partito del Moderatos (Le
partito de congredimento moderate, le Conservativos) de Svedia, ma ille
representa etiam le Nationes Unite in le conflicto re Kosova/o e es anterior
coordinator in Bosnia-Hercegovina.
Ille invia septimanalmente un littera de novas al interessatos si on lo
commanda del Moderatos svedese. Io pensa que su epistola del septimana 25 pote
esser interessante. Illo significa etiam un poco de excercitio et de
traduction in interlingua pro me e un possibilitate haber un poco de
"retro-alimentation" de quanto vos ha comprendite de illo, viste que io
traduce ex un lingua que es estranie a vos, e per consequente io media un
texto que vos in altere casos forsan non haberea legite. Ecce le texto:
Carl Bildt scribe:
Car amica/amico,
Io debe primo disculpar me pro que iste epistola septimanal veni in retardo.
Desde le dominica passate io ha sojornate in Kosovo, e etiam si il ha certe
cosas le quales functiona ibi, ni aqua corrente ni communication
computatorisate via le rete GSM non appertine a iste cathegoria.
De bon hora hodie matino io sortiva de un legiermente pluviose Pristina per un
helicoptero pro transferer me al aeroporto de Skopje in Macedonia, e scribente
isto, io sede in un un poco corrodente se vetere avion Tupolev, que me
transporta a Zurich. Postea io passara alcun hora a mi officio a Geneva, ante
que plus tarde hodie jectar me in viage a Nove York e le quartiero principal
del Nationes Unite pro deliberationes durante le proxime duo dies.
>
Nos debe le possibilissime rapido facer functionar le operation a pace in
Cosovo. Isto etiam era le ration pro le qual io voleva formar me un opinion
del situation factic in le provincia sin troppo grande ruito del medios.
>
Io arrivava le dominica passate in le postmeridie, solo alcun horas postea que
le ultime detachmentos serbe in bon ordine militar habeva sortite ex Kosovo.
Le exito habeva essite maneate per professionalitate militar del parte serbe.
Quando io adveniva al stato campestre militar (stato major campestre?) in le
qual le si nominate fortia KFOR ancora habeva su quartiero apud Pristina, on
diceva in le reportos que on habeva extrahite plus de materiela quam on in
NATO sapeva que le serbos habeva disponite in Kosovo.
Le efectos del operation aeree de NATO durante le 11 septimanas certo essera
discutite in longe tempore. Que le operation non era capace prevenir un
cathastrophe humanitari pro le derectos human in tote le region, es un facto
que poco de gente pote negar. Ma nunc on cultiva un mytho del successos
militar que certo va viver durante longe tempore.
>
In le terra in Kosovo iste successos es difficilmente observabile. Le
militarios serbe allega que illes habeva perdite 13 carros de combatto e
vehiculos blindate in le attaccos aeree. Lo que NATO usque a iste momento ha
succedite confirmar sur le terra es significantemente minor quam isto, e si
on circumvola in le maniera como io lo faceva, on tosto vide que omne le
quasi-scopos, que on habeva erigite, habeva essite le objectos de plus o minus
precise attaccos aeree, e in certe casos destruite, in altere casos illos
anocara sta ibi como vivace provas del ingenuitate militar. On vide poco
expemplos de serbe positiones militar que ha essite eliminate per le attaccos
aeree.
>
Si isto es le caso on naturalmente se demanda proque Milosevic dava su
concession al retiramento militar de Kosovo. Discutente isto con varie
representantes del vita public de Serbia, il es difficile pro me haber un clar
pictura de isto. Il pote esser assi que le bombardamentos plus strategic del
economia serbe le convinceva que le guerra es impossibile ganiar. Il es
possibile que ille timeva que Russia totalmente va lassar le processo
diplomatic, si ille refusava. Il es possibile que il existeva etiam altere
factores in le caso. Nos cerca per le manos in tenebras in nostre probas de un explication.
Nunc le soldatos NATO entra in Kosovo simultaneemente que le accordo principal
del presentia russe es preste. Heri il habeva 20.000 soldatos in Kosovo, del
quales proximo le medietate es britannic con italianos e americanos postea a
significante distantia.
Le reconstruction va durar un bon periodo de tempore, ma jam nunc on comencia
questionar si un fortia del amplexitude planate vermente essera besoniate post
alcun menses. Le cargas militar exigente multe engergia se va a un rapide fin,
e illos que resta, es plus del character de mantener le ordine, va postular minor
activitates de un altere sorta.
Domesticamente in Svedia il ha discussiones de un fortia svedese unquam in le
autumno. Pro me il es un mysterio; pro le prime parte que on es tanto in
retardo que on forsan non del toto venira in question e pro le altere parte
que on ha
abandonate le significante concepto que nos establiva in Bosnia con un juncte
brigada nordic. Nunc battaliones nordic essera dispergite per Kosovo, si il
del toto ha senso considerar le inviamento de tales, viste il sembla esser un
tanto grande retardation.
Le abolimento del presentia serbe es ita finita. Le sequente dismilitarisation
del guerrilla UCK (Armea de liberation de Kosovo) ha devenite un decidente
obstaculo. Jam in le insuccessose negotiationes a Rambouillet isto era le
caso. E le absentia de un firme politica al latere del KFOR durante le prime
septimana ha significate que le soldatos del guerrilla del Armea de liberation
de Kosovo ha paradate con armas in le stratas in un maniera que de un parte ha
terrificate multe serbos al fuga e del altere parte ha establite un certe
pression politic etam al albaneses de Kosovo.
Le dominica vespere le UCK tamen declarava que on accepta un plan pro
successive demilitarisation. Le conversationes resultava in un plano
technicalmente complicate que tamen dara tote le plenipotentiaritate al chef
del KFOR que ille judica necessari pro durante le plus proxime menses exequer
iste importante carga. E jam durante ille dies io poteva observar como le
armas comencia disparer del soldatos UCK in le stratas del varie citates.
Ma lo que era initiate durante iste dies era le rixa pro le poter politic a
Kosovo. In le mesme avion per le qual io volava a Skopje le dominica passate
era le si nominate premier del governamento in exilio, Bukoshi, qui post 8
annos era a via retro. Alcun horas post mi arrivata le lider del UCK Thaqi
arrivava a Pristina. On diceva permanentemente que le lider del LDK, Rugova
es in via de Roma "deman". Sub le protection de NATO le lucta del poter ha
comenciate.
Le poter in Kosovo jace, secundo le resolution del Consilio de Securitate del
Nationes Unite, in le manos de justo le UNO, e nunc on establi le
administration interime de Kosovo que habera le supreme e decidente poter
civil in le region usque isto que on successivemente ha construite nove
functionante institutiones democratic al qual transferer lo.
Il va durar. Io esserea multo surprendite si il essera possibile organisar
electiones in Kosovo mesmo in le anno proxime. E in le medietemore il es
importante que le administration UN es plenmente establite como governatorio
in Kosovo. Si isto non occurre, un o altere del gruppamentos que nunc lucta
pro le poter va prender lo.
Jam nunc le UCK se establi per tote Kosovo in functiones relative al potentia.
E in Pristina il es a expectar interessante decisiones del poter super le
classic edificio gobernamental e le station local del television. Etiam le
controlo del hospitales ha devenite un parte in le lucta pro le poter in Kosovo.
Justo circum ille duo questiones io va facer conversationes in Neve York. In
Pristina le presentia del UN nunc es habilemente ducte per le subsecretario
general Sergio de Mello, ma multe politic e principial decisiones debe esser
prendite in Nove York e le proximitate del processo in le Consilio de
securitate.
>
E nunc es etiam seriosemente initiate le saison de turismo politic in Kosovo.
Le avion per le qual io vola era le ultime in le aeroporto de Skopje, le qual
postea era fermite coram le visita a quatro horas del presidente Clinton con
scrupulatemente planate apparitiones in television ante refugiatos e soldatos.
Al mercuridi le ministros de defensa e del extero de quatro paises europee
veni a Kosovo, e le venerdi il es tempore pro le ducentes de NATO de annunciar
su arrivata. Omne ille visitas va exequer su parve rolo in le joco del poter
in le provincia.
Pro me il era importante poter circumviagiar in le varie partes del provincia
durante alcun dies, evadente le circo del medios in Grand Hotel Pristina, pro
parlar con le varie lideres. Con le gerentes del UCK io jam, como cognoscite,
ha habite anterior contactos, ma specialmente importante il era, que io poteva
invitar Veton Surroi a un dinar in su proprie urbe.
Como le proprietor del guidente, independente jornal, ille es le ducente
personalitate independente in le provincia. Ille jocava un plenmente decidente
rolo in le establimento de un forma de unitate albanese durante le
conversationes in Rambouillet. Ma al contrario de alteres ille non fugiva de
Pristina durante le bello ma remaneva ibi durante le dece-un septimanas
incubal.
On debe poter construir un futuro con personas como ille. Ma le distantia es
significante inter le poc personalitates plus independente, le quales existe,
e le plus crude viros junior del montes e le sanguinose combattos. On non pote
describer Kossovo como un region con un multo disveloppate cultura politic.
Jam nunc quasi 150 000 refugiatos ha retornate. Al transito del frontiera
Morina a in Albania le caudas era longe in ambe directiones. In le urbe
Prizren in Kossovo sud, ubi le signos de destruction e despoliamento era quasi
impossibile trovar, le vita de gente jam era in plen floramento. In Pristina,
ubi on ha despoliate ma quasi non destruite, il semblava que le medie parte
del population habeva retornate. In Pec in Kosovo occidental, ubi le
destruction del citate es enorme, le retorno va durar longemente e le
amaritude essera multo profunde.
Ancora il ha incendios in villages per multe locos in Kosovo. A vices il era
casas que congflagrava. A vices nos habeva le impression que on igniva
granarios solo pro in iste modo poter liberar se de omne cadaveres de animales
occidite durante le conflicto. In certe locos io videva signos de occurrente
despoliation. De tempore a tempore on face gaudiose signos a mano al
helicoptero, in altere casos il es obvie que on tenta celar se de su
scrutinante oculos.
Mi circuito era rapide. Al Pudojevo, essente le objecto de un rixa, in le
nord. Al grande minas a Mitrovica. Al villages in le montes Drenica, ubi le aperte
conflicto comenciava in februario del anno passate, e ubi le tradition de
resisitentia e independentia ha essite forte per le generationes. Al
seducentemente belle e quiete serbic monasterio in Decani, toto juxta le pede del
montes de frontiera a Montenegro. A in Albania al regiones circum Tropoja con
su clar independentia in relation al regimine del die in Tirana. A Junik,
essente le objecto de forte combattos, con su traditiones de contrabando trans
le frontiera de Albania. Via Djakovica. A Prizren con le conservate vetere
urbe. A Gracanica e su monasterio. E supra le monumento del tanto legendaric
battalia apud Kosovo Pole, Le Campos del Turdos le anno fatal de 1389.
In le monasterio a Decani io incontra patre Sava, barbute e vestite in un
longe nigre habito monachal, que le va usque le pedes. Ille ha devenite famose
trans le mundo depost que ille in iste monasterio del prime parte del 14-e
seculo etiam ha erigite un sito al rete e qui ha probate reflecter un moderate
opinion serbe del conflicto e le importantia de conviventia. Usque a isto que
le attacco del Nato contra le station de tleecommunication a Pristina, ille
communicava de su monasterio diuralmente con le mundo.
Nos parlava del importantia de facer un recomenciamento. Il es besoniate nove
serbian voces. E Internet crea possibilitates. Pro le interessato su url es: www.decani.yunet.com.
Le vetere e le nove mundos se incontra.
In le avion io trova le ultime numero de Business Week que il ha un grande
contrasto inter le amar conflictos in iste parte del europa, fundate in mythos
medieval,, e le rapidemente crescente nove economia electronic circum le
mundo, ma le futuro de Europa facticamente jace in le capabilitate manear le
ambes.
E il ha multo pro facer. Le assecuramento del pace in Europa postula un multo
plus forte collaboration in le futuro. E le possibilitates del economia
electronic postula un nove vision concernente le rolo del politica e su
deberes.
Le publication Business Week listava le 100 plus avantiate entreprisas del
Technologia informative in su annual scrutinamento. Del 25 prime entreprisas
20 es american. In addition ibi se trova le britannic Vodafone, le finnese
Nokia, duo japonese e un taiwanese. Del resto in le lista, le dominantia
american es equalmente visibile con le parve Taiwan como pais numero duo in le
mundo quando se tracta de successose entreprisas intra le Technologia
Informative. Ericsson (le plus grande interprisa de telecom in Svedia. Nota
del traductor) occupa le loco 91. Pro alcun causa illo es passate per le grec
entreprisa de telecommunication Hellenic Telecom.
Per le correcte politica il non ha causa pro Europa de esser lassate in
retardo per le evolution del nove economia electronic. Ma per troppo de vetere
politica isto infortunatemente, essera inescapabile.
Alcun septimana retro un papiro commun era bublicate per Tony Blair de Grande
Britannia e Gerhard Schröder de Germania concernente un nove curso pro le
sicialdemocratia europee. E isto era un documento que clarissime vadeva in le
direction pro le qual nos moderatos es le plus avantiate representantos in
Svedia, e le qual nostre socialdemocrates domestic in su retrospective
traditionalismo es le avantiate antagonistas. Le documento esserea plus tosto
inderdicte in un congresso del partito socialdemocratic in Svedia.
Ascolta, per favor, iste principal formulation:
> ”The ability of national governments to fine-tune the economy to
> secure growth and jobs has been exaggerated. The importance of
> individual and business enterprise to the creation of wealth has
> been undervalued. The weakness of the markets have been
> overstated and their strengths underestimated.”
(Le capabilitate del governamentos national de exactemente syntonisar le
economia pro assecurar crescimento e opportunitates de labor ha essite
exaggerate. Le importantia de entreprisas individual e de negotios pro le
creation de benesser ha essite sub-valorisate. Le debilitate del mercatos ha
essite exaggerate e lor fortias disexaggerate."
Con qual partito politic in Svedia un tal formulation esserea associate? Il va
sin dicer que le question es retoric!
Ma in svedia cambios e innovationes es contravenite. Nunc, le ultime vice il
se tracta del tentativos de innovationes in communas e administrationes
supracommunal (?) governate per partitos burgese (non-socialista. Nota del
trad.) contra le quales le socialdemocrates ha lanceate campanias. Le venta de
appartamentos in edificios del qual le communas es le proprietario al humanos
qui habita in illos, va esser contravenite. E le tentativos disfortiar le
monopolios in le cura medic e guarderias per nove establimentos de entreprisas
e nove formas de entreprisas es le objecto de condemnationes e interventiones.
In le supracomunal del gubernia de Stockholm on nunc distribue un carta al
circa 20.000 empleatos in le branca de cura human e guarderias del
possibilitates fundar su proprie entreprisa. Le interesse es multo grande, ma
non pote concluder que le socialdemocrates va facer su ulterior pro crear
obstaculos. Colossos centralisate es e remane le responsa del parte que
constitue le collectivismo politic al multiplicitate del cambiante besonios
del humanos, e le consequentias essera illos que on pote expectar!
In vice de investir offensivemente in un politica pro le nove economia
electronic e su nove entreprenoritate le governo e su rubie-verde semi-amicos
e semi-alliatos nunc va submerger milliardos del moneta del paga-taxas in un
premator abandonamento de functionante centralas energetic nuclear. Si il es
necessari facer investimentos io multo plus tosto los ponerea in meliorationes
de scholas e education superior a fin que preparar pro le nove societate
electronic e su possibilitates.
Nunc nos sta ante le estate. Le parlamento ha viagiate a casa post un debatto
ubi Göran Persson (le prime ministro de Svedia. N. tr.) era contente pro se
ipse e advertava contra omne alteres. Un nove commission europee essera
seligite con poco possibilitates pro Svedia venir in le proximitate del plus
guidente positiones del collaboration europee. Il es inclar si le governamento
mesmo ha probate.
In iste septimanas mi realitate se extende inter le tenebras del conflictos in
Europa Sud-Est e le possibilitates del nove economia electronic. E il es in
ille campo de tension que io es convincite de que le nove politica europee - e
con isto etiam illo svedese - successivemente crescera. Le menses proxime
menses significara decisiones importante quanto al modo in le qual isto se
formara.
Viagiante inter Skopje e Zurich le 22 de junio 1999.
>
> Carl Bildt
>
Il ha certo multe errores in iste traduction. Io es interessate in audir como
vos lo ha comprendite. Si il ha constructiones mal, si il ha metaphoros del
significcation del quales vos non es certe etc.
Si nos vole usar interlingua como medio de communication international pro
politicos, nos debe esser capabile traducer cosas como iste epistola - e
comprender los!
In le vigilia medieestival
|
