d[060823] x[Kiviaho Allan] z[KivA-F8Mqc] r[MarA-F8C]
x[Re: Alberto Mardegan a Finlandia]

[log in to unmask]
[log in to unmask]

----------------------------------------------------------------
Mardegan Alberto 060813: In le computo del numero del
interlinguistas on debe registrar un variation sensibile:
Italia va perder uno, e Finlandia lo gania. Como jam alicunos
inter vos sape, desde le primo de septembre io laborara in le
Centro Recercas del Nokia locate in Helsinki. Mi occupation
essera le developpamento de technologias pro le communication 
audio/video in tempore real.
060814: ... io non laborara con le telephonos, ma con le 770
Internet Tablet, que es un computator palmar.
-------------------------------------------------------x--------

Salute Alberto e altere interlinguistas!

Iste novas es certo sensational! Mi reaction es tanto
tardive proque io ha essite multo occupate per cosas
private e io ha essite a casa solmente raro.

Post le X incontro nordic in Vadstena, Svedia, nos
remaneva in Svedia pro tres noctes (le dies incluse ...)
in Motala, Mjölby, monasterio de Vreta, Regna,
Södertälje e ancora un vice etiam le Castello de
Gripsholm) e studiava historia de Svedia,
particularmente del era de Birger Jarl, qui fundava
Stockholm e poneva le fundo al regno svedese.

=====
NOKIA
=====

Tu travalio va certemente esser interessante. Le capital
de NOKIA es Salo, un citate ca. 100 km. al west ab
Helsinki (il ha Salo etiam in Italia, a Laco de Garda,
nonne? Cognite i.a. de guerras napoleonic e como capital
de Benito Mussolini al fin del secunde guerra mundial).

Nostre cabana finseptimane es non lontan de Salo. Le
familia de nostre filia ha visitate Salo italian sed mi
sposa e io solmente Salo finlandese, le qual nos visita
alicun vices cata anno. Il ha un multo belle bibliotheca
in Salo, probabilemente sponsorate per NOKIA. E un forte
club de volleyball, "Piivolley" ("Volley de Silicium"),
e un hotel "Piihovi" ("Corte de Silicium").

A proposito, etiam nostre filio travalia al branca de
telecommunication, a ELISA, que es le operator de
mobiltelephonos de mi sposa e io e le hoste del sito del
SILY - AFIL (Association Finlandese pro Interlingua):
http://www.interlingua.fi

===================
Mi amicos italianos
===================

In ultra de Alberto io ha honor de cognoscer duo altere
italianos eminente:

- Luigi Giuliano de Anna, professor del lingua e cultura
italian al Universitate de Turku. Ille es presidente del
Union Paneuropee Finlandese, vide
http://interlingua.fi/upeu/upeufidi.htmhttp://interlingua.fi/upeu/deanna60.htm 

http://interlingua.fi/itgr/settentr.htm
http://interlingua.fi/itgr/caspidx.htm

- Giorgio Pegoraro, professor e maestro de chacos, ille
serviva in Finlandia como le attache de cultura italian
e le director del Instituto de Cultura Italian in
Helsinki le 1967-01-06--1971-02-14.
http://interlingua.fi/kiva/kivachac.htm
Clicca: - Giorgio Pegoraro, un maestro de chacos e
           ambassador de cultura italian

De facto in nostre club jocava in le primavera 2006 un
multo forte chachista, Florin Popa. Ille habeva battite
in un torneo i.a. super-granmaestro Bacrot, Francia.
Florin habita in Italia e ille diceva que ille es un
italiano, sed io pensa que ethnicamente ille debe esser
un romaniano. Ille travaliava al branca de technologia
alte - como Alberto - ille programmava alicun systemas
automatic a "Kamppi", un nove grande complexo commercial
in le centro de Helsinki.

E uno de optime amicos de nostre filio e filia affin es
un Luca ex Napoli qui habita in Bologna. Vide
"La Napolitana":
http://www.interlingua.fi/pthomi/linanapg.jpg

Durante le nuptias de nostre filio io discuteva con Luca
in interlingua. Postea Luca diceva a nostre filio:
"Tu papa parla italiano multo ben!" Como un persona con
ben educate ille non addeva: ... sed peculiarmente ...

=======================================
Vamos incontrar nos in Helsinki/Vantaa!
=======================================

Io habita in Vantaa (un citate de ca. 185 000
habitantes) solmente 15 km. al centro de Helsinki.

Vamos discuter de interlingua e altere cosas. Sia
benvenite a nos a tassa caffe o thea. Tu cognosce ja
nos, mi sposa Brita-Lisa e me, del conferentia in
Lovecz.

Io expecta cooperation innovative pro interlingua benque
io comprende ben que tu pote esser multo occupate per tu
travalio, in Finlandia nos burla:

"NOKIA - connecting people"
"NOKIA - connecting people, disconnecting families ..."
-------------------------------------------------------
"NOKIA - connecte gente"
"NOKIA - connecte gente, disconnecte familias ..."

Assi, sia cordialmente benvenite a Finlandia!

Allan e Brita-Lisa Kiviaho
Kivimäentie 16 E
FI-01620 VANTAA

Mobilphono 050 3616 759

- - -

P.S.
Vide
http://www.interlingua.fi
Clicca:
- Interlingua in le mundo
-- Mappa de Europa
--- Mappa de Italia

--
Archivos e disabonar: http://listserv.icors.org/archives/INTERLNG.html