Gratias Stan
pro inquirer super le inundationes in
le area de Keene. Nos habeva multe
stratas inundate. E circa 700 Guardias
National in le communitate pro adjutar
con le evacuationes. Mi casa es proxime
al centro de evacuation e bastante in alto
pro le aquas. Multe altere vicinitates esseva
sub quasi un metro de aqua. Alicun pontes
e multe stratas esseva destruite per le
inundation.

Io anque recipeva novas que mi matre
esseva in le hospital in Bethesda, in
le vicinitate de Washington D.C. e
io viagiava illac. Su situation esseva
multo debilitate illes faceva interventiones
chirurgic con "stints" pro restaurar
circulation al corde, ma su tension
sanguinee cadeva e su condition
impejorava. Le doctor nos dava le
mal novas que il non pareva que illes
poterea restaurar lo bastante ben
pro que le corde continua in un
rhythmo natural a causa del basse
tension e de un infection in le sanguine
que illes non poteva curar, possibile
mente causate quando illes faceva
le chirurgia al corde. In poc horas
su corpore debilitava se e illa moriva.

Al proxime die mi sposa e io veniva
a Nove Hampshire, non sapente que
situation nos trovarea a causa de plus
pluvia e plus mal novas de inundationes.
Ma in nostre vicinitate toto esseva super
le aquas. On pote vider le destruction
in le sito del canal local de television.
http://www.thewmurchannel.com/

Io viagiava a Boston le proxime die pro
attender un assemblea del Testes de
Jehovah regional. E depois io viagiava
de volta a Washington, D.C. pro le
Servicio Memorial pro mi matre. Tote mi
fratre e sorores esseva illac etiam.

Le die sequente io viagiava hic a Nove
Hampshire un altere vice, le aquas habeva
recedite e le sol brillava... Un nove die, ma
con le umbra de tristessa ancora obscurente
mi anima. A vices io me trova reguardante
quietemente al spatio. Alco que me supporta
es le sperantia del resurrection promittite per
Jesus a illes qui continua fidelmente in
cerca del veritate del Parola de Deo. In
tempores assi on considera multo le
finalitate que presenta nos le cruel perdita
de un persona multo amate per nos.

Gratias pro inquirer super mi benesser
durante iste tribulationes.

Con salutes amical sempre,
Jay B.


Il 18/10/05, Stanley Mulaik<[log in to unmask]> ha scritto:
> Io es ancora anxie super Jay Bowks. Il ha habite un septimana de dur
> pluvias in Nova Anglaterra, ubi su stato de New Hampshire es. Io non
> sape si ille ha escappate le inundationes o non.
>
> Stan Mulaik
>

=====================================================Pro disabonar te del lista, invia un message a
[log in to unmask] con le texto:

  UNSUBSCRIBE INTERLNG

o visita le sito del lista:

  http://maelstrom.stjohns.edu/archives/interlng.html
=====================================================Visita le sito official del Union Mundial pro
Interlingua:

  http://www.interlingua.com/
=====================================================