Mario Malaguti wrote:

> Mario, un vetule in production de anticorporos!
> Uno qui ha passate su vita a cercar un ideal de cive que se idealisava
> solmente in su capite. Ma vos videra hodie illo que decidera illes del UE!

Justo hodie ego audiva per le radio que nostre ministra de agricultura, seniora
Perla Monte de Vinia* diceva que "Finalmente nos debe facer le Union comprender
que le mangiar svedese es bon, non-contaminate"

In le octantas un jornalista al Radio National de Svedia (que se appella ipse
Radio Sweden - in neosvedese) habeva comprate mangiar a su catto, qui non viveva
ben pro illo. Le jornalista se tornava a un amico experto in chimia nutritional
qui recercava le contento del cassa de latta con mangiar pro cattos. Le analyse
monstrava que le mangiar pro le catto contineva partes de cadaveres molite de -
justo - cattos, canes, boves, oves, face tu selection! Et naturalmente il habeva
un scandalo non de iste mundo! On constatava que anque pecores recipeva farina de
ossos et altere partes de animales morte in su nutrition!

Boves - on diceva - es ruminantes et non mangia carne. Il habeva quasi un
boycottage del carne et le producentes de carne debeva prometter non usar partes
de morite animales in le nutrition.

Il sembla que nos ha un satis bon controlo del carne quadrupedes e aves in
Svedia. In facto nos non ha le morbo _salmonella_ pro exemplo. Si mi memoria me
non fraude on videva le stricte controllo de Svedia como un obstaculo de
commercio visavi le resto del Union.

A mi aviso anque Finlandia ha un tal forte controllo. Pro isto nos opina que
nostre carne es melior que illo de multe altere paises del union. Nos ha -
gratias al providentia - non habite le morbo follia bovin in Svedia. Il es
possibile que le stricte controllo ha auxiliate a isto.

Forsan nos salvava le facto que un catto non stava ben 15 annos retro.

Cellus, un amator de carne et salsitias