----- Mensaje original ----- 
De: Piet Cleij <[log in to unmask]>
Para: <[log in to unmask]>
Enviado: Domingo, 10 de Junio de 2001 04:28 a.m.
Asunto: FW: Cycle Vision


> Car amicos,
> 
> Con mi sposa e duo de mi filios io ha visitate in Lelystad, situate in le
> nove polder Flevoland (ancian parte del mar) le prime die del "Cycle
> Vision", que es le grande festa annual del "bicyclettas basse" in
> Nederland. Le location es le grande oval de beton (longor 2,75 kms) que le
> Servicio Statal de Controlo de Autos usa pro su provas.
> 
> Nos ha habite un bellissime die con un tempore magnific, celo blau, a pena
> vento e un temperatura de 17 grados. Nos ha vidite concursos interessante e
> circum le pista e in le grande spatio de exposition con su mercato centenas
> de iste bicyclettas special, in tote le formas imaginabile. E il habeva un
> circuito special pro personas qui voleva essayar iste bicyclettas special.
> Mi filio Eric qui es un grande amator de iste bicyclettas (ille possede
> tres exemplares), ha facite un serie de photos que ille ha publicate
> immediatemente in su sito www.condorplaza.com. Si vos es interessate,
> clicca le button a sinistre "Cycle Vision 01".
> 
> 
Io videva le photos del bicyclettas e illos me placeva multo. Esque iste machinas es commerciales o solo es disveloppamentos personal?

Horacio