Responsas a questiones ponite per M. Malaguti

- Inter le forums que pare in Interlingua super Delphi solmente duo
comenciava ab mi initiativa (re themas religiose e re humorismo). Le altere
duo jam existeva desde alicun tempore, ma forsan non esseva bastante
publicisate, ergo io informava de lor existentia.
- Le forums super Delphi non es listas de correspondentia, ma tabulas public
(bulletin boards) de messages thematic. Illos opera con principios
differente del listas de correspondentia. Illos non plena le cassas postal
del inscriptos, ma es legibile sur le rete solmente si on vole leger los.
- Le sito de UMI publicisa grandemente le lista INTERLNG.
- Le sito de UMI esseva restructurate per Ensjo. Con ille e con Simona io es
le webmaster. Omne demandas in re le contento del sito deberea esser
adressate a istes e non publicamente.
- Le sitos de Mario Malaguti es alsi mentionate detaliatemente (mesmo si non
totes probabilemente esserea de accordo). Le visitatores de su sitos pote
junger se, si illes vole, a su lista de correspondentia publicisate sur ille
sitos.
- Altere initiativa que forsan nos oblidava essera mentionate quando alicuno
communicara nos de lor existentia.
- Le forum in re themas religiose adressa le visitatores alsi a Pro Biblia,
proque iste forum es un emanation de Pro Biblia.
- Altere initiativas in Interlingua es benvenite e essera publicisate quando
lor initiatores facera le requesta. UMI, tamen, ha nunc un commission que
examinara si facer mention de illos, o no.
- Le grande activitate post le conferentia se explica solmente proque
alicuno de nos es ancora in vacantias. Quando nostre labor prendera su plen
rhytmo io es secur que ...tote iste activismo diminuera! Esque isto es un
culpa? No. Interlingua non es nostre activitate principal e nostre labor e
familia habera le prioritate: isto es completemente justificate. Necuno
inter nos es un professionista de Interlingua, e nos occupa nos de illo
solmente quando le tempore lo permitte!

In re le questiones statutari io lassa le responsa a nostre secretario
general, le qual respondera a illos, si ille lo reputa necessari.

Paolo Castellina,
E-Mail [log in to unmask]
http://www.castellina.org
casa: Montaccio, CH-7605 Stampa
tel. 0041,81,8221069
ufficio: Via principale, CH-7604 Borgonovo
tel. 0041,81,8221145