Le 16 Mar 2003 15:28:38 -0800, Harleigh Kyson Jr. <[log in to unmask]> scribeva:

>LE DOCTRINAS SUPERSTITIOSE DEL JUDAISMO E SU
>RELIGIONES PROLE (LE CHRISTIANISMO E LE ISLAM) ES LE
>CAUSA DE ISTE CRIMINES CONTRA NOS IN LE PAISES EUROPEE
>E DEL AMERICAS.  E ISTE RELIGIONES, A CAUSA DE ISTE
>DOCTRINAS, HA MONSTRATE QUE ILLOS ES MORALMENTE LE
>EQUIVALENTE AL NAZIS!!!
[...]

Nonsenso, pro plure rationes.

(1) Un religion es un concepto spiritual, non factual. Le libros
religiose debe esser legite de iste maniera - per trovar in illos un
veritate spiritual, non factual.

(2) Fundamentalistas qui interpreta litteralmente omne parola de lor
libros sancte sin consideration al contexto spiritual e historic, e qui
los usa pro justificar lor odio es le ver problema, non le religion que
illes assere adherer.

Un religion non pote esser responsabile pro le faltas moral de su
adherentes fundamentalistic. Tu face in iste condemnationes le mesme
error de interpretation como le fundamentalistas, in despecto de esser
lor inimico.

(3) Le mer existentia de christianos homosexual (p.ex.
http://www.gaychristians.org/) affirma iste conceptos e monstra que tu
condemnation total es sin base.

(4) Le absentia de omne religion non duce al absentia de
fundamentalismo, prejudicio, odio, repression, etc. Le communismo es un
frappante illustration de isto.

Mi concepto de vita es firmemente atheistic como le tue, Harleigh, e
mesmo io trova iste condemnationes venenose tue verso personas religiose
offensive, gratuite e non meritate. Tal odio non es pertinente a un
lista como iste. Iste lista es pro correspondentia *amical* e io te pete
cessar le diffusion de iste eruptiones.

Gratias,

- Martijn