"Harleigh Kyson Jr." wrote:

> Le Biblia, in breve, es un obra litterari, historic, e
> mythologic, como le poemas homeric.
>
> Troja existeva, como Schliemann discoperiva.  Ma in le
> poemas homeric il anque habeva personalitates
> mythologic qui non existeva.
>
> Ante forsan un anno, io legeva in le "Los Angeles
> Times" que generalmente studentes del Biblia nunc
> concede que Moses non existeva como un figura
> historic, e que le historia de Exodo es solmente
> mythologic, como le histora del dece-duo labores de
> Hercules, pro exemplo.

Alvar Ellegård, professor emerite de linguistica al
universitate de Göteborg, Svedia, se jectava al recerca
del origines del christianismo quando ille lassava le
inseniamento active al universitate. Ille scribeva un
interessante libro secundo Sancte Paulo es le ver
originator del chirstianismo e que le figura de Jesu es
un mixage con le grande inseniator del essenos, un secto
del judaismo que - si io ben lo memora - viveva 200 annos
ante Christo.

Naturalmente il habeva un grande ruito in Svedia quando
Ellegård publicava su trovatas.

Le grande cosa con le christianismo es que illo osa facer
anque le Biblia un objecto de recerca in le mesme maniera
que on recerca altere fontes historic. Isto naturalmente
anque conducera a modos de lectura del textos religiose
que non omnes accepta. Personalmente io attribue un
grande valor al facto que le humanos proba varie vias de
comprender e on apprende qualcosa de omnes.

Un personas credente in Christo in Svedia pote trovar le
cathosicismo un revelation, le ver christianitate,
durante que un persona credente in Deo in Italia nord
pote trovar le protestantismo esser le revelation, que le
ecclesia establite in le region non media. Pro ancora un
tertie persona le testes de Jehova es le revelation,
durante pro un quarte persona le facto que il ha personas
qui non del toto crede in le religion es un fantastic
revelation. Nos es differente, con differente origines e
circumspectiones del mundo.

Kjell R