Mario scribeva in un recente message de que le francese es multo facilemente
legibile a ille, e io me pro isto recorda un multo amusante experientia io
habeva ante un anno. Io habeva jungite me a un gruppo francese in le qual on
scribeva per hasardo in re linguas international auxiliar, e naturalmente io
scribeva un pecia in interlingua. Como de habitude io traduceva le texto
francese de mi opponente in interlingua ante que facer mi responsa, e in ille
momento io habeva le estranie pensamento que "Interlingua sembla multo plus
clar e facilemente scribitile que le francese". Forsan le mer scriber in
interlingua poterea esser un benediction in se ipse!" Io parla le francese
comprensibilemente e io lo comprende satis ben parlate, e io naturalmente pote
leger lo (per le adjuta de un dictionario) ma io _non del toto_ pote scriber
lo. Io es un dyslectico in le francese.

Io proba organisar un incontro de interlinguanos in Uppsala. Nos videra le
resultato de isto. Inter alia le novicio Sven Kindestam va narrar de su
aventuras in Focsani!

Io non sape si isto essera un successo, ma on face lo que on pote. Sincermente
dicite io non ama multo arrangiar cursos de interlingua. Le humanos ha tanto
de varie activitates e usque interlingua essera un cosa que es besoniate in le
vita professional humanos va apprender lo in micre gruppos informal, per
amicos e proprie studios, como nos omnes lo ha apprendite.

Forsan io debe explicar que io pleno supporta interlingua in le scholas, ma
tunc on debe haber un ben elaborate material, libros e audiovisuales pro
attinger un bon resultato. Ma isto es un altere cosa.

Nos videra!