[...]
> Pro un traduction del prime libro del
> Biblia e le historia del creation, vide:
> http://ia.wikipedia.com/wiki.cgi?Libro_Del_Genesis_Capitulo_1
>

Le historia del creation in le Biblia es solmente un allegoria, como ben
sape tote le christianos. Usar le Biblia solmente in su uso litterari como
un texto scientific es multo damnose al christianos. Miscer Biblia e
theorias scientific es un grande error sia pro le
religion que pro le scientia. Tote le mythos del creation del altere
populationes, del altere religiones ha le mesme valor, le mesme importantia
cultural, theologic e anthropologic. Proque usar solmente le mytho del
creation del Biblia pro justificar le creationismo?

Naturalmente il ha gruppos religiose creationista que con le sol fide in Deo
nega omne theoria re le evolution. Le fide naturalmente non necessita de
probas o theorias que debe esser probate! Le fide suffice a se ipse!
Le scientia non se basa super le allegorias o le mythos, ma super probas que
pote esser repetite e analysate o super factos concrete como le
retrovamentos del fossiles in iste caso.
Pro iste motivationes le creationismo basate super le Genesis del Biblia non
pote esser definite como theoria scientific nam illo non se pote
absolutemente demonstrar; illo es un acto de fide como qualcunque
religion.Contraponer un theoria scientific per medio de un acto de fide pro
confutar le mesme theoria,  il me sembla un idea un poco singular.

Le theoria darwinian del evolution ha essite modificate in le tempore
gratias a nove retrovamentos, a nove ideas, a nove studios, recercas,
analyses, etc. Le scientia da iste possibilitates, illo pote continuemente
trovar altere hypotheses, theorias.

Le theoria del evolution non es un fide immutabile como pote esser le
religion, iste theoria pote modificar se in le tempore, o trovar nove
solutiones. Le scopo del scientia non es illo de trovar le "creator" si illo
pote exister, ma de comprender le mundo e como illo se ha evolvite e
disveloppate in le tempore e in le spatio.


Luca Ghitti