Como un exercitio de manipulation syntactic, le jargon
academic pote esser hilaremente amusante.
Informaticos mesme ha scribite logiciel que genera un
imitation de illo que pare completemente authentic (in
altere parolas, producite per academicos vivente).
Ante unes annos io mesme scribeva un programma
informatic in BASIC que usava listas de parolas e
phrases in patronos syntactic assatis complicate,
inter le quales le logiciel, con cata uso, seligeva e
imprimeva un selection inconscientemente con un
generator de numeros aleatori, producente imitationes
de un ben cognoscite tipo de poesia moderne multo
difficile de interpretar.
Ecce un exemplo de jargon sociologic per le academico
Talcott Parsons (ex "Social Sciences as Sorcery" per
Stanislav Andreski, New York, Saint Martin's Press,
c1972, p. 62):
(Nota: Io ha usate litteras majuscule in vice del
litteras italic/cursive in le texto original.)
ANGLESE: The present analysis differs significantly
from most evolutionary theories in that the
developmental dimension I have used is fully
compatible with the idea that there is considerable
variability and branching among lines of evolution.
The evidence we have reviewed indicates that, in the
earlier stages of evolution, there have been MULTIPLE
and VARIABLE origins of the BASIC societal types.
Thus, we need not postulate one primitive origin of
all intermediate societies, even though we consider
such factors as independent cultural legitimation and
stratification NECESSARY conditions of all
intermediate societies.
At all stages, the importance of such variability can
be adequately treated, we argue, only by an analytic
theory of variable factors and components. The
impressive development of such theory since Spencer's
time enables us to construct a much more sophisticated
evolutionary scheme than this.
---
INTERLINGUA: Le analyse presente differe
significantemente del major parte del theorias
evolutionari proque le division developmental que io
ha usate es plenamente compatibile con le idea que il
ha un variabilitate e brancamento inter le lineas de
evolution. Le evidentia que nos ha revidite indica
que, in stadios de evolution anterior, il ha habite
MULTIPLE e VARIABILE origines del tipos societal
BASIC.
Dunque, il non es necesse postular un sol origine
primitive de omne societates intermediate, mesmo si
nos considera tal factores como le legitimation e
stratification cultural independente como conditiones
de omne societates intermediate.
In omne stadios, le importantia de tal variabilitate
pote esser tractate adequatemente, nos argumenta,
solmente per un theoria analytic de factores e
componentes variabile. Le developpamento impressive
de iste tipo de theoria desde le epocha de Spencer nos
permitte construer un schema evolutionari multo plus
sophisticate que le sue.
---
Nota: Tristemente, mesmo linguistas academic (qui,
inter omne academicos, debe saper exprimer se de un
maniera clar e elegante) sovente scribe in un jargon
academic impenetrabile.
In le scientias physic e biologic, il es facile
verificar o falsificar hypotheses e theorias per
experimentos que omne physicos, chimicos, e biologos
pote repeter, ma in le humanitates e le scientias
social tal verification es sovente impossibile.
Iste circumstantia permitte, inter iste tipo de
academicos, le production e publication de multe
linguage difficile o impossibile de penetrar que
sovente se confunde con le profunditate. Multes crede
que Jacques Derrida construeva omne su carriera
academic sur le production de iste tipo de prosa
hypnotic ma generalmente vacue.
Forsan in altere contributiones a iste foro, io
presentara summarios del pensamento de Stanislav
Andreski.
---
"The Linguistics Wars" es un excellente libro sur le
abusos academic in le linguistica, le quales sovente
es hilarissime!
__________________________________________________
Do you Yahoo!?
Yahoo! Tax Center - forms, calculators, tips, more
http://taxes.yahoo.com/
|
