==============
COURIER NEW 10
==============

xxxxxxxxxxxxxx Horacio Martinez 990531 xxxxxxxxxxxxxx
Proque le insistentia? Esque tu non pote leger de
altere maniera le texto del messages del lista?
Forsan, tu programma de posta non lo supporta. Tu
pote leger le mie messages? [Allan: Si, sed le
lineas in tu messages son nimis longe ...]

xxxxxxxxxxxxxxxxxxx Allan Kiviaho xxxxxxxxxxxxxxxxxxx

Car Horacio, Jay Bowks ha precisemente analysate le
ration de mi "insistentia". Io usa Netscape
Communicator 4.5. Le compatibilitate inter le
programmas de posta electronic es mal. Io ha usate
posta electronic ca. 20 annos. Mi empleator ha
jornales ubique in Finlandia e nos ha un rete
extensive. Nostre systema de posta es Lotus Notes.

Pro le mal compatibilitate del varie systemas nos
usualmente usa Courier New 10 (o Courier 10). Io
pensa que iste fonte es anque plus clar e leginile
quam le altere fontes. Courier 10 es un secure modo a
facer p.ex. tabulas proque le tabulatores functiona
mal inter le varie programmas del posta electronic.

P.ex. in INTERLNG nos ha le problema que quasi
omne membros de nostre gruppo usa multo plus longe
lineas. Secundo de recercas in Scandinavia ca. 54
columnas es le ideal, 72 le maximo. Al minus le
textos de Jay son bon structurate.

Io ha un complicate systema pro pretractar le
messages. Io ha facite programmas que edita le
messages automaticamente e io semper converte le
fontes al Courier New 10. Finalmente io reserva le
messages in un base datas askSam, un programma multo
ingeniose sed noncostose.
Vide http://www.asksam.com - e ordina!

Hasta le victoria de interlingua sempre anque sur le
pampas de gauchos!

Allan