BUSH DEBE DAR EUROPA SU AURES
Per Thomas Friedman
Columnista de New York Times

Berlin - Post haber viagiate durante le ultime 10 dies a Brittania,
Francia, Germania e Switza, io ha un parve suggestion pro Presidente
Bush.  Io suggere que quando ille veni a Europa pro reparar relationes
que ille da solmente un  sol discurso.  Illo debe esser a su prime
destination in Brusselles e illo debe consister de basicamente tres
parolas: "Lege mi aures".

Permitte a me a exprimer isto le plus directemente que io pote:  Il ha
nihil que le europeos vole audir de George Bush; il ha nihil a que
illes va ascoltar de George Bush que va cambiar lor mentes super ille o
le guerra irakian, o le politica external del Statos Unite.  Bush es
plus largemente e profundemente non amate in Europa que alcun altere
Presidente del Statos Unite in le historia.  Alcun gentes aqui possibilemente
haberea un bon cosa a dicer super ille, mais io ancora non ha incontrate
les.

In un tal ambiente, le sol cosa que Bush poteva facer pro cambiar le
mentes del gentes super ille esserea a percurrer Europa e non dicer un
sol parola--mais solmente ascoltar. Si ille lo faceva, isto facerea
cader le europeos in stupefaction. Ille disarmarea e confunderea gentes
aqui--e meliorarea su proprie imagine notabilemente. Toto lo que esserea
necesse es alcun pauc parolas, "Lege mi aures. Io ha venite a Europa a
ascoltar, non a parlar. Io va dar Europa mi discurso quando io retornar
a mi casa--post que io ha audite lo que tu vole dicer."

Si Bush lo faceva, necuno del sagesse columnistas e commentatores in le
pressa poteva analysar su discursos aqui e derider le contradictiones
inter su parolas e su actiones. Nihil de illes commentarea super su
maniera de presentar su discursos e lo que ille ha fallite de
mentionar.  In loco, tote le commentatores, politicos, e demonstratores
comenciarea a luctar con le un le altere super lo que a dicer al
presidente. Illo possibilemente mesmo va fortiar le europeos a
abandonar lor habito de dicer "George Bush" e tote le mundo ride o
derider como si isto fini le conversation, e Europa non ha necessitate
assi de declarar de lo  que illo sta.

Ascoltar es equalmente un signo de respecto. Illo es un signo que tu
vermente da valuta a lo que le altere persona possibilemente vole
dicer.  Si tu solmente ascolta a alcuno initialmente, il es
surprendente quanto que illes va ascoltar a te.  Le majoritate de
europeos, infortunatemente, es convincite que George Bush es surde--que
ille non pote ascoltar o audir. Per solmente probar que ille non es
surde, e consequentemente le europeos non debe critar, facerea
meravilias pro le estimation de Bush.

Que audirea Bush?  Alcun de illo es classic europlanctos, facilemente
dismissibile. Mais alcun de illo es sincere e emotionante.  Io lo
audiva durante interviews al Club Pony, un bar/salon de bellessa de
moda in est Berlin.  E plus e plus io pensa que illo explica proque
multe europeos non ama Bush tanto intensemente. Illo es isto:  Europeos
ama derider le optimismo american naive, mais profundemente in lor
interior, illes lo invidia, e illes vole que America es aquelle loco
aperite, imbraciante del extraneero, nonchalant, e  stupidemente
enthusiastic que le Europa vetere  e cynic non pote jammais esser.
Multe juvene europeos blasma Bush pro facer America, desde 9/11, a in
un extranee e nove pais que exporta le timor plus que le sperantia, e
ha devenite obscur e meditative-- un loco cuje ben venite a visitores
ha cambiate de "Da me tu fatigate, tu povre" a "Da me tu impressiones
digital."  Illes reguarda Bush como alcuno qui ha furate alque preciose
de illes.

Tim Kreutzfeldt, le proprietator del bar, diceva a me:  "Bush furava
nostre America. Io significa que nos ama America. Nos es multo triste
super America. Nos crede in America e valutas american, mais non in
Bush.  E illo face nos irate que ille ha distorquite nostre imagine del
pais que es tanto importante a nos. Illo non es lo que America
representa--e isto nos face irate e illo debe facer tote americanos
irate, proque America ha perdite tanto de su reputation mundial."  Le
Bush equipa, ille adde, da tote le mundo le impression que  "alcuno
veni a occider te."

Stefan Elfenbein, un critico del alimento qui curava un bira a nostre
tabulo, ha addite: "Io sape multe gentes qui non vole viagiar a America
un altere vice. Gentes time que illes va reciper molestia al
frontiera.  Nos toto lo discute, quando alcuno vade a America [nos ora
demanda]: 'Es tu secur?'  Nos habeva sperantia que [John} Kerry
vincerea e  facerea le annuncio, "America ha retornate a lo que illo
esseva 4 annos de retro.' Nos sperava que ille esserea le symbolo, le
figura qui dicerea [America] es le pais que dar le benvenite a tote le
mundo de novo. [Mais] ora nos debe attende a un altere quatro annos pro
alcuno pro retornar a nos le pais que nos cognosceva a amava."

Si, si, il ha refutationes legitime a tote iste propositos. Mais ante
que alcuno aqui va ascoltar a Bush facer tal contrapropositos, ille
vermente debe primo ascoltar a los.




Traducite per
Stan Mulaik