Non essente le fer proprietario de un televisor ego ha vivite totalmente
quietemente, non sapiente que il occurreva un homo-colpo in nostre
television national. Le saturnidi passate occurreva un festival de
cantos in le television, que es un sorta de preambulo national al
international Contesto de Cantos del Eurovision que se celebra cata anno
pro determinar le optime cantion in Europa con adjacentes. (Israel anque
participa, malgrado que alminus ego credeva que isto es Asia).

Nonobstante, in iste anno il habeva un scandalo, reporta mi medio, le
radio. Duo ben cognoscite gays svedese figurava como un copula de
maritage in plen costumation pro le ceremonia, in frac e roba nuptial.
Le copula nuptial es anque accusate de haber rediculisate le majoritate
hetero! A vices on luge le facto que on non possede un televisor. Ma in
le momento proxime on pensa de quanto  plus amusante es le rete!

Ambe le contrahentes es multo bon artistas - quando a su optimo.

Le lege de datos personal, que prohibi le mentionar de nomines
licentiosemente in le rete, ma in practica sembla haber le effecto de
prohiber al cives usar le computatores pro su proprie defensa e
amusamento, iste lege me prohibi mentionar le nomines de ille artistas,
ma si ego dice que un es un compatriota de Allan, omne lectores svedese
e finnese va comprender de qual humanos il se narra!

Kjell R