Car Jay Bowks,

non sempre nos pote esser de accordo e mesmo isto pote esser positive pro
interlingua.
Tu sovente replica a un message al lista con le publicar un altere vice le
message original /orighinal/ in su integritate, signatura e adresse
includite. Tu non es le solo!
In iste maniera on vexara /vexara'/ le recercas futur in le lista Interlng
e isto non es ben! Io usa le potential que se offere in Interlng e io trova
utile le recerca /retserca/ pro apprender interlingua.
Pro me un contribution al lista deberea esser facite /fatsite/ in function
del futur recercas. Cata uno evitarea de repeter se.
Cata uno evitarea de tormentar un thema sin reguardar como digne /digh-ne/
de respecto illo que on ha jam scribite.
Le brevitate, que non es un mi dote, e le varietate obtenerea avantage!
/avantaje/
Le recerca in le archivos del Interlng favorirea le uso practic del
phraseologia /fraseologhia/ (/gh/ como in agente /aghente/ e vage /vaghe/).
Tu ha create e promovite le lista coollist e heri  nos scribeva nos como
hic subtus. Anque io publica le messages original, in iste caso.
Io era contrario a disperger le messages in duo listas. Il serea le
messages que non deberea fatigar le lector.
Assi io recommenda de facer uso sol del lista Interlng, ma con voluntate de
renovamento.

----------
Mario a Jay:
Car Jay,
como tu vide io usa coollist, como in le passato io jam lo usava.
Io ha un problema in coollist e forsan io non es le solo.
Io non sape como io pote facer un recerca in le archivos de iste lista,
como io pote facer lo in illos de Interlng.
Pote tu explicar me le solution?

----------
Jay a Mario:
Ay! Car Mario, isto es un problema que io non sape resolver. Le coollist
non ha un archivo. Lo dicte es dicte e illo dispare in su milliones de
electro-impulsos sin que necun poterea captar los.
Forsan nos poterea trovar un servicio de archivation... Io crede que il ha
alcun servicios extante que nos poterea adjutar con isto.
Gratias pro rememorar me que nos besonia un processo de archivation pro le
lista.
Io va reinviar isto a [log in to unmask] e precar alcun de nos amicos
si illes cognosce alcun methodo pro le archivation de listas, plus que le
archivation personal de nostre proprie messages. Il esserea un bon addition
al lista.
Amicalmente e como sempre a tu servicio.
Jay B.

Ciao car Amicas e Amicos,

Mario

Mario Malaguti
mailto:[log in to unmask]
Strada Bibano, 9 - 31100 Treviso (Italy)
tel. (+39) 0422 420790 - fax (+39) 0422 420789
http://www.i-gi.com