http://idgnow.terra.com.br/idgnow/games/2002/09/0001

USAR VIDEOGAME IN GRECIA
ORA OCCASIONA ARRESTO

Pare plus un de aquelle mystificationes que circula per le Web, mais non 
es. In Grecia, jocar ingenuemente con un Game Boy o al telephono cellular 
occasiona arresto. Secundo articulo publicate in le sito de novas MSNBC, 
le governamento local ha bannite le uso de qualcunque joco electronic in 
tote le nation, includente aquelles que functiona in le PCs domestic e 
consolas como Game Boy, PS2 e Xbox.

Pejor: le regula se applica inclusive al touristas, qui curre le risco de 
esser mulctate e mesmo arrestate pro un infraction sin aviso. Le reportage 
dice que le lege numero 3037, promulgate al fin de julio, explicitemente 
prohibi le uso de jocos electronic con "mechanismos e softwares 
electronic" in locos public e private.

Conforme al lege, le cybercafés continuara operante in Grecia, mais sin 
offerer qualcunque diversion in iste senso. Si un cliente es surprendite 
jocante al computator, le proprietario del stabilimento sera mulctate, e 
le loco, claudite.

Secundo le governamento, le initiativa ha essite prendite pro impedir le 
joco al hasardo illegal. Le mulcta pro le infraction varia de 
approximatemente 5 mille a 75 mille USD e usque a 12 menses de arresto. Le 
mesura ha generate polemica e varie gruppos ja se ha manifestate contra. 
Le caso ha essite apportate al Justitia local e, si illo non sera 
resolvite, le industria de videogames del pais ha predicite que illo se 
dirigera al Corte Europee pro tentar cancellar le lege.
~~~

Traducite per
Ensjo.