>Car Seniores,
>
>Actualmente on parla del Linux, le systema operational de Linus Torvalds
>basate in le Unix e que es perfectionate per voluntarios tra le Rete.
>Illo jam menacia le hegemonia del Windows proque illo es plus stabile
>que le programma de Bill Gates, ma su major avantage es que illo es
>gratis e isto facera le grande differentia quando illo arrivar plus
>fortemente al tertie mundo, ubi ha un chronic manco de moneta.
>Le Interlingua es un systema de communication, basate in le latin, que
>es disseminate per voluntarios tra le Rete. Illo ancora non menacia le
>hegemonia del anglese ma illo tosto lo facera proque illo es plus facile
>e belle, ma su major avantage es su grammatica simple que facera le
>grande diferentia quando illo arrivar plus fortemente al tertie mundo,
>ubi le chronic manco de moneta non permite al vulgo studiar le anglese.
>Io trova que non ha besonio de plus entitades pro Interlingua, ben que
>illos essera benvenites. Si Interlingua demorava a disvelopar se era
>proque attendeva pro le Rete. Nunc toto es prompte e le processo de
>crescimento del lingua non potera esser stoppate.
>Qui sape nos pote convincer Bill a lancear un version in interlingua del
>Windows pro augmentar su competitivitate al Linux?
>
>Vostre amico,
>
>Ivan Mourão

Hmmmm, si. Qui sape.

Linus Torvalds acceptara un doctorato honoris causa al Scola Regal Superior
de Technologia a Stockholm le autumno proxime.




[log in to unmask]
Kjell Rehnström
Vänortsgatan 87
752 64  UPPSALA
Tel. 018-50 22 35