Le postmeridie del 11 septembre io faceva un promenada in citate, assi, pro cambiar respecto al anno precedente, quando a iste hora io me trovava blocate al television a viver le collapso del turres.
Nos dice "le turres" e il pare de referer nos a illos de mi citate. Le mundo deveni sempre plus parve, al minus in le parlar.
Del mi postmeridie io ha producite 31 paginas web, ancora sin un texto e totevia con 30 photos de angulos particular de mi Treviso, in un solite die de tempore que non sapeva si facer sol o pluver.
Ecce le adresse del pagina indice: http://www.mariomalaguti.it/sf/ftv20911/ftinsieme.html ubi si vos clicca in un photo vos lo videra plus grande. Ancora io non ha scribite le texto. Intertanto io lo facera in italiano e, postea, in un version de interlingua.
Io faceva un giro longe le fluvios al interior del citate. Nos los apella canales, como illos de Venetia e, comucunque il ha un grande differentia con illos venetian. Le nostros ha aqua currente que nasce a poc distantia ab le citate. Nos nomina le fontes ubi le fluvios nasce "resorgive" e, ab le verbo resurger, io poterea in interlingua dicer resurgive in le senso real, le aqua resurge postea un percurso subterranee que initia al pedes del Alpes, e, in nostre caso, del Prealpes, le montanias que se pone inter le Alpes e le collinas, antea le initio del pianura. Un pianura que es le residuo del glaciationes, assi le terreno es multo permeabile e filtra le aquas, que es limpide, de nivello e temperatura constante, veloce, alteres characteristicas que los differentia de illos del laguna de Venetia.
Como io ha un vetute computer, assi io ha un camera digital que senti tote su cinque annos.
Totevia le resultato me place, forsan perque io ama mi citate e io ha un longe habitude de observar lo in su parve particulares. Como illos del stratas minor ancora con le pavimentation in saxos, o illo del portico que ha le pavimentation in briccas, nos dice "in coto" ab le facto que le bricas es cocite in le furnaces, mesmo si illo de mi domo (anno 1300) es cocite solmente per le calor del sol.
Il serea un belle activitate photographar e describer mi citate e, forsan, io lo facera in le tempore.
Le photographar es un exercitio facile respecto al depinger o designar que io amarea e totevia evita proque illo costa fatiga.
Le describer al contario es le resultato de multe lecturas pro cognoscer le locos mesmo in lor historia. e non solmente, perque interveni mesmo le geographia con tote su notiones collateral.
Eh! Il necessita que Angelo sape ganiar tempore, io ha necessitate de annos e annos.
Intertanto al quatro del matino uno gania un poco de tempore, considerate que le dormir es un activitate quasi inexistente.

Alora, antea al alba que ora io me ponera ab observar, bon die a tote vos!

Mario

------------------------------------
Make Unlimited phone calls from your PC to ANY phone in the World!
http://www.eboom.com/free/