RE:
[Paolo Castellina 970815]
Car Allan,
gratias pro tu message e suggestiones. Illos es semper
benvenite. Io facera le necessari correctiones. Intertanto io te manda
nunc "Nos presentaInterlingua" in formato WordPerfect 5.1 pro Dos
(zippate)! Io spera que illo functiona!
Cordial salutes, Paolo.
Paolo Castellina

[Allan Kiviaho 970817]
Car Paolo,
multo gratias pro le texto! Illo functionava
wordperfectemente! Io pensa que il era digne de provar.
FTP/ZIP face le vita plus facile ...!
Actualmente io jam obteniva le fila in formato *.HTM e
converteva illo a mi database de askSam ma il era
interessante de provar anque le transmission per
FTP/ZIP.

Un problema remarcabile es le question que in qual
formato le filas deberea esser disponibile in
http://www.interlingua.com. Probabilemente non in formato WordPerfect
5.1 (DOS), ben que io eveni amar lo - como le
ultime Mohican. Ma forsan:
1. ASCII
2. Write (Microsoft)
3. WinWord 6.0 de Microsoft?).

O, pro sparniar de spatio solmente in ASCII (o forsan
Write)?

Que pensa le grande massas de interlinguanistas?

-------------------------------------------
Methodos de tractar le messages de INTERLNG
-------------------------------------------

Illo esserea interessante de discoperir, como tracta le
membros del INTERLNG le messages con lor computatores.
Probabilimente il existe tante systemos como usatores.
Mi systemo es:

1. Io ha Windows 95 (Windows 3.11 in un altere computator
   mie), Netscape Navigator 3.0 e un modem de 28.8 kb/s.

2. Io recipe le messages con le option de posta del
   Netscape Navigator 3.0. Le messages son reservate in
   le dischetta dur automaticamente con le nomine "INBOX".
   Io lassa le connection del interrete si tosto que
   possibile pro minimisar de costos del interrete e
   telephono.

3. Io lege le messages hastemente con Netscape (Option de
   posta) pro vider le eventual filas attachate. Si io
   non face assi, le filas attachate esserea in risco de
   perdita, perque io reserva le messages in le formato de
   ASCII (ma *.HTM - filas con le fontes plus
   "sophisticate").

4. Io excambiar le nomine del "INBOX" a
   "I N B O X 7 8 H"
              | | |
              | | die (1-9, 10 = A, 11 = B ... 31 = V)
              | mense (1-9, octobre = C, novembre = N e
              | decembre = R)
              anno (7 = 1997)
   pro haber un nove INBOX vacuate pro le sequente
   messages.

   Nota: Pro poner le lineas in alto in ordine excambia
   le fontes a Courier New 10 o Courier 10. Io es multo
   irate a sr. Bill Gates pro le facto que le lineas de
   textos que son scripte con tal fontes que Arial, New
   Times Roman etc. deveni como - in accordo de un dicto
   finlandese - "urinate durante de currer" (Io multo
   excusa me pro isto indecente lingua que es contra le
   "netiquette" del INTERLNG, he-he!).

5. Io copia le INBOX7NN a nomine "INBOX.RAW".

6. Un programma "IB.EXE", que io ha facite con
   QuickBasic 4.5, purga le extra textos del titulos del
   messages automaticamente. IB.EXE usa macros del
   programma "PE" (Program Editor, un disnudate version
   del vetule version de WordPerfect) como sub-routines.
   IB.EXE anque pone le signo \\ inter le varie messages.
   "\\"s functiona como separator de campos pro le
   databse sub le programma askSam.

7. IB.EXE reserva le purgate fila "INBOX.RAW" sub le nomine
   "INBOXA.TXT". Si le numero del messages es multo grande,
   e.g. postea le vacantias, io face etiam un fila
   "INBOXB.TXT" pro reservar le messages que io conside
   como minus interessante. Le messages i ab INBOXA.TXT a
   INBOXB.TXT automaticamente con macros de PE usante le
   separatores "\\".

8. Io starta askSam, UN PROGRAMMA SUPERBE, THE MOTHER OF
   ALL PIM'S (PIM = Personal Information Manager), vide
   http://www.asksam.com, si il vos place. askSam es un
   programma multissime ingeniose. Le sol programma que
   es facite per un GE (ge = viro + femina) pro un GE
   VIVENTE, non per un TECHNOIDIOT a un GE VIRTUAL. askSam
   es usate per e.g. le Congresso del SUA e alicun famose
   TV companias. askSam es legier, extrememente facile de
   usar e su precio es insignificante, solmente alicun
   150 dollares del SUA.
   (No, io non es un venditor in disguise del askSam ...).

9. Io importa le messages del classe "A" (Omne MI messages
   son de classe "A" - BRUA-HA-HA! MUA-HA-HA!) a fila
   INBOXA78.ASK (78 = 1997-08--09, i.e. augusto-septembre)
   e los de classe "B" a fila INBOXB78.ASK.

10. Io scribe mi messages con askSam e copia los a fila
    "VANG78H.ASK" (Anno 1997, mense 8 = augusto, H = 17me
    die) e expedi lo con Netscape Navigator Mail a omne
    mi amicis (amicis = amicos + amicas) interlinguanistas.

11. Le databases sub le programma askSam face un utensilo
    le plus magnific - on pote facer TOTO con illo, un
    managemento total! Io ha omne dictionarios, grammarios,
    adressarios etc. sub askSam e pote "toggle-switch"
    inter illos usante menus practical.

Cordialmente
Allan
(askAllan)