Car Amicas e Amicos,

le novitate in le quotidianos italian de iste matino es isto:
Le organisation ambiental Greenpeace ha denunciate que le Bureau europee
del brevetos, que ha sede a Monaco, ha concedite le approbation a un
processo de extraction de cellulas de embryon, demandate per le
Universitate de Edimburgh.
Le texto del breveto como ha essite acceptate non exluderea explicitemente
le possibilitate de clonar esseres human.
Assi iste breveto registrate in sede europee poterea permitter le clonation
human e su empleo commercial.
Greenpeace ha annunciate de presentar recurso contra iste breveto e le
functionarios del Bureau se ha excusate: isto ha essite un inadvertentia de
tres functionarios!
Le presidente del committee italian de bioethic e le Ministro del Sanitate
ha demandate le intervention del Commission europee per violation del leges
re le biomedicina.
Io non ha trovate iste novitate in le principal quotidianos europee, ma sol
in illos italian.

Le vocabulos:

Bioethic e bioethica, vide biomedicina.
Biomedicina: ab bio- e medicina, como jam in Piet Cleij = PC: biometria o
in le IED: biochimica.
Clono Italiano clono ab gr. klónos 'movimento vehemente, disordine', de
kélesthai 'pulsar', de orig. indeur.; 1910. In medicina: Series de rapide
contractiones e distensiones involontari de un muscolo.
Anglese e francese: clone, clonus; espaniol clono.
Clonar ab clono.
Clonation in italiano ab le anno 1974
1 (biol.) Le obtener de un clono per le medio del uso de techniques diverse.
2 (biol.) Technica usate in genetica molecular per amplificar un gene in un
population de cellulas obtenite a partir de poc elementos in le quales tal
gene haberea essite inserite: clonation genic. Synonymo. Clonage (que io
trova como substantivo biol. in PC).
3 (est., fig.) Reproduction de uno o plus copias identic.
Chromosoma: Componite de chromo- e del gr. so^ma 'corpore', anno 1906. In
PC io trova fragmentation chromosomic.
Gene /ghe'ne/ ab lat. genus, gr. génos 'genere'; anno 1932, In biol.:
Particula del chromosomas que es portatrice del characteres hereditari.

Stan Mulaik scribe iste synthese pro me meraviliose:
(Piet,
Io opina que vos ha ration con le parolas que vos vole includer in le
vocabulario interlingua.  Istos es parolas, sovente del neolatino, que Gode
indicava es potentialmente eligibile entrar interlingua.)

Isto es le synthese:

"Si _un_ lingua moderne ha un variante, isto es pro me sufficiente a
justificar lor (del parolas) existentia in interlingua, specialmente si
illos es derivabile usante le affixos de radices o themas jam in interlingua."

Stan nos demonstra que scriber de illo que es scribite ab le origine, facer
lo e postea lamentar se pro isto, recercar un placia plus adequate un prime
vece e illos successive, es simplemente un perdita de tempore.

Ciao,

Mario

Mario Malaguti
mailto:[log in to unmask]
Strada Bibano, 9 - 31100 Treviso (Italy)
tel. (+39) 0422 420790 - fax (+39) 0422 420789