Car Amicos,

pro Ensjo, Mike Ramsay e alteres voluntarios: io es preste a perfectionar
mi Interlingua e quando io usa le expression "mi italiano international" io
ha in animo de exprimer mi affecto pro Interlingua. Illo es como mi lingua.
E il es ver que io usa Interlingua como io usa le italiano, ma non sempre
isto es ben, quia io non presta attention al partes grammatical del
discurso, vide mult(e) como adverbio, per exemplo. In italiano io non ha
iste necessitate.
Render in Interlingua textos super diverse themas resulta plus efficace si,
como ha facite Ensjo e Mike, un altere interveni con su commentarios.
Io ora es in crise con le verbo auxiliar "esser", le conjugation del
tempores simple e composite, activo e passivo, le prepositiones que in
Interlingua me limita, e il non termina assi.
Io reputa, que si iste lista debe non exceder in themas de grammatica, como
on ha sustenite sovente, nos perde de vista su prime legitimitate e, pro
quanto io observa, non sol in iste lista, ma etsi in tote le paginas
internet, necuno se salva con le grammatica, o se salva sempre. Isto es
irrefutabile e il es negligite in le paginas internet.
E le probas de alternativas non resiste in le tempore. Sol le lista offere
le immediatessa.
Ciao,
Mario, le novicio vetule e pretentiose.

mailto:[log in to unmask]
Strada Bibano, 9 - 31100 Treviso (Italy)
tel. (+39) 0422 420790 - fax (+39) 0422 420789
http://www.i-gi.com
http://www.telegrupigi.com
http://www.affresco.com