Car Amicas e Amicos,

al 13:23 GTM +1.00 de hodie iste nova: le cancellero german Schoder ha
rilaxsate un interview al Corriere, quotidian italian, e ille haberea
declarate que le politica que le UE ha applicate in le caso Haider deberea
valer mesmo pro Italia "si al governamento retornera de nove le
neofascistas", como dicer le actual Alliantia National, le dextera historic
italian que, con le fascismo, non ha plus nihil a que facer ab annos.
Immediate le reactiones in Italia pro illo que on considera un provocation
al vigilia del electiones regional italian.

al 14:23 GTM + 1.00 sempre de hodie: le Europarlamento ha approvate le
programma de legislatura presentate per le presidente del Commission UE, le
italian Romano Prodi.
Con 344 votos a favor, 113 contrari e 49 abstentiones on ha approvate un
resolution que es favorabile al objectivos strategic del Commission Prodi:
le prioritate absolute debe reguardar le successo del allargamento del UE.

Duo realitates, duo velocitates!
Schoder sustene Haider in function del commun esser german?
O Schoder favori le actual majoritate italian, de su mesme color politic,
que time iste proxime electiones?
Si on vole recercar un latere positive in isto, on poterea dicer que le
partitos politic initia a facer un politica a nivello europee: Schorer
adjuta D'Alema.

Ciao,

Mario

Mario Malaguti
mailto:[log in to unmask]
Strada Bibano, 9 - 31100 Treviso (Italy)
tel. (+39) 0422 420790 - fax (+39) 0422 420789
http://www.i-gi.com