Car ascoltatores de Radio Interlingua, car lectores de iste lista con le nomine impronunciabile (e incomprensibile) INTERLNG!

Sequente le ordine chronologic de presentar mi registrationes facite in le 19ne conferentia international de interlingua in Chepelare, Bulgaria; ora io ha publicate duo de illos, del prime die totalmente passate in Chepelare, i. e.: le 24 de julio 2011. Isto comprehende, que io continua presentar le mini-interview facite con le interlinguista danese Lars Rosenmeier, cuje prime parte vos poteva audir in le previe emission. Post alicun musica io presenta mi mini-interview registrate per mi camera de photos ante le restaurante del hotel; facite con Donald Gasper de Hongkong e Thomas Breinstrup de Danmark - le duo jornalistas. Pois que isto era facite per un camera de photos, on pote non solmente ascoltar, ma naturalmente tamben spectar lo; sur mi proprie sito in Youtube: http://www.youtube.com/watch?v=38vf_m2QcTI&feature=channel_video_title .

Le podcast se discarga del ligamine http://www.interlingua.com/node/833 .

Tote le emissiones usque ora pote esser discargate del pagina http://www.interlingua.com/radio .

Un bon divertimento desira a vos:

Péter Kovács, le redactor de Radio Interlingua


--
Pro leger le archivos e pro modificar o cancellar le subscription:
http://listserv.icors.org/archives/interlng.html