On Fri, 12 Jan 2001 13:33:43 +1100, Edo Neilson <[log in to unmask]>
wrote:

> Mi conclusion, e il pare etiam cello de Ensjo, es que Gode e le equipa de
IALA intendeva que le termino latin sia le 'norma' in celle casos ubi le
linguas de fonte care concordantia.
>
>Nonobstante, il es interessante que IALA ha fallite de exprimer iste
principio in forma concrete. Forsan le norma hoderne serea un pauc
differente si illos habeva facite assi.

Il es certo que Gode prefereva un stilo latinesc. Ma io crede que su
tolerantia de collaterales romanesc (in et le IED et le grammatica Gode-
Blair) era deliberate. Ille voleva permitter le lingua evolver se.

On sovente ascribe le collaterales del Grammatica al influentia de Hugh E.
Blair, ma isto assertion non me convince. Blair era le adjutante de Gode,
non su par. On apena attende que Gode se trovava compellite comprommiter su
ideas con illos de Blair, pauc tempore post que ille los defendeva
resolutemente contra Martinet - su *chef*.

Amicalmente,

Chris