Car amicos,

Desde alicun tempore ha essite discutite le ortografia de Interlingua.
Ecce mi opinion pro duo centos valor.

Ad orthographia (ortografia):
Es multo attractive lassar a cata uno a ortografiar ad libitum,
a condition que le pronunciation remane intacte. Es un bon idea
abandonar inhabile formas como philosophia etc.

Il ha probabilmente un cornucopia de parolas que pote esser simplificate
sin riscar perder su significantia. Comocunque, es illo sin
complicationes?

Io ventura votar no. Inter eruditos e recercatores es recognoscite
que le oculo (o cerebro) vide le parolas imprimite como parve picturas,
illos son in realitate pictogrammas!

Es relativemente facile verificar isto. Quando nostre oculos incontra
un parola cacographiate o un parola rar o estranie, iste face
nos stoppar como si face nos un passe false. Nostre oculos concentra
al parola mys(mis-)teriose pro un fraction de un secunde ante ser
capabile recognoscer exactemente lo que nos irrita.

Le identificar un parola improprie clarmente precede le identification
del littera, vocal o consonante, erronee.

Iste facto es un bon ration pro retener un ortographia rational.
Es un question de legibilitate. (Compare: Es un kestjon d
legibillitate.)

On debe ser multo caute deviar troppo multe del ortographia
principocurrente (mi neologismo--mainstream, hehe..).

VICTORIOMANUS FOLIOPLACIA.

Que serea nostre attitudine de neologismos??? Alicun regulas pro
decidar le grado de acceptabilitate?