Am 04.02.2006 um 09:00 schrieb Kjell Rehnström:

> Como es isto que le abonentes de Tiscali non pote usar gruppos yahoo?

Le abonantes de Tiscali pote registrar se con le servicios de Yahoo, 
obtener un adresse electronic gratuite Yahoo e leger le messages del 
gruppos Yahoo in le web, ma illes non pote activar su adresses 
electronic Tiscali pro abonnar se a gruppos Yahoo per illo.

Cetero, io ha pensate un pauc plus super foros de discussion e lor 
themas. Io penssa que un foro ubi on pote discuter super qualcun thema 
in Interlingua o super Interlingua in qualcun altere lingua esserea bon 
pro nos. Un tal foro esserea aperte a discussiones re omne themas (e 
linguales e alteres), e illo poterea esser usate anque per interessates 
qui ancora non parla Interlingua. Un foro ideal pro isto pote esser le 
gruppo Usenet "alt.languages.interlingua". Omnes pote acceder ille 
gruppo multo facilemente per "Google Groups" o per le servitores Usenet 
del diverse providentes de servicios Internet. Le comunitate esperantic 
jam ha habite un tal gruppo deste multe annos (le gruppo 
"soc.culture.esperanto), e io lo ha usate dum multe tempore e sempre ha 
essite multo contente con su concepto.

Le foro "alt.languages.interlingua" jam existe. Esque vamos usar lo 
como foro general de Interlingua? Que pensa le alteres.

Amicalmente,
Martin

---
Io apprende Interlingua. Per favor, corrige mi errores.
--
Pro disabonar te: http://listserv.icors.org/archives/INTERLNG.html