Jay Bowks wrote:

> Al novas de CNN io audiva hodie que in 1999
> il habeva 171 milliones de personas que usava
> le interrete. Al arrivar le anno 2000 le numero
> esseva 304 milliones. (...) Io crede que le effortio
> pro promover Interlingua debe esser plus aperte
> in le Interrete (...)

Nos habera nostre grande possibilitate in le veniente
annos. Postea, quando multes habera superrapide
connectiones al rete on va vider films e programmationes
de television, e in ille stadio nos perdera le attraction
si nos non pote "supragradiar" nostre systemas technic.

Nunc nos es in le situation del comenciamento del seculo
20e, ubi un relativemente ric persona poteva publicar un
jornal o libros. Nos es pro le memoento capabile devenir
nostre proprie publicistas e editores. Le question es
quanto isto durara. Jam nunc on debe dedicar multe
interesse al formation de un sito.

Nonobstante il es un facto que interlingua ha su plus
grande responsa in le rete.

Cellus