Io ha solmente legite articulos recensente le libro de Samuel Huntington.
Il era etiam un scriptor Fukuyama (io crede que se scribe) qui manteneva
que le historia ha approximate se al fin!

In le 60-as io legeva un libro de China que io crede que Kapuscinski
skribeva. Io mesmo habeva le libro, solo non sape ubi illo nunc es.

In un societate totalitari como Polonia del 70-as e al initio del octantas
il es clar que multes legeva le textos con referentia al Polonia
contemporanee. Quando Chris mentionava iste maniera de leger le textos de
Kapuscinski io me recorda un articulo ex le septimanal Polityka - que on
pote comprar in Stockholm e a vices etiam in Uppsala - in le qual un ben
cognoscite litterato polonese scribeva del calefaction in le Roma antique -
e cata lector certo legeva le articulo con referentia al situation
prevalente in le momento del lectura!

Kapuscinski - pro retornar a ille - scribe in un maniera multo associative.
De un fotografia o un notitia ille expande al totalitate. Pro exemplo isto:

Fotografia (10)
Le foto es facite a Teheran le 23 de decembro 1973: le shahcircumferite per
un barrage de microphonos face un discurso in un aula plen de un multitude
de jornalistas. Mohammed Reza, le qual es characterisate de manieras multo
exquisite e controllate e un exstudiate autocontrolo, ille vice non es
capabile celar su emotion, su preoccupation a mesmo - isto nota le
joreporteros - su febritate. Vermente, le situation es importante e porta
resultatos crucial pro tote le mundo, nam le shah justo informa de nove
pretios del petroleo. In minus que duo menses le pretio ha
crescitequadruplemente e Iran, que ha recipite un invenito de cinque
milliardos dollars per anno nunc recipera vinti tal milliardes. Lassa nos
adder, que le sol disponente de ille summa gigantesc essera le shah ipse.
In su monarchia absolute le shah potera facer con ille moneta lo que ille
vole: ille pote jectar lo in le mar, comprar gelato o cerrar in un arca de
auro. Per consequente il es facile comprehender le excitation del shah....


.....Alcun dies post le conferentia que nos vide sur le photo le monarcha
da un intervista a un correspondente del septimanal "Der Spiegel", e dice a
ille:
- Post dece annos nos vivera sur le mesme nivello que le vos germanos,
franceses e angleses.
- Esque vos pensa, demanda le correspondente incredulosemente, que on
succede facer isto in le curso de dece annos?
- Ma naturalmente.
- Ma, dice le correspondente confundite, le occidente necessitava multe
generationes pro attinger su nivello presente! Esque vos essera capabile
transsaltar  isto?
- Naturalmente.
....

... Post le qual ille viagiava a St Moritz, viste que in Europa il regeva
un phantastic hiberno. Ma subito le belle e elegante residentia del shah in
St Moriz se cambiava de un angulo de silentio e isolation , nam in ille
tempore le notitia del nove Eldorado habeva jam sortite al mundo e evocate
commotation in le citates capital. Un tal quantitate de moneta effica al
imagination de cata uno, e etiam omnes immediatemente calculava, quanto de
moneta on poterea facer in Iran.  (...) Il habeva nunc tote le mundo apud
su piedes. Il habeva ante se clinite capites, flectite collos e extendite
manos. Ecce, ille diceva al premierministros e ministros, vos non pote se
governar, e pro isto vos non ha moneta! Ille doceva a London e Roma, dava
consilios a Paris, admoneva Madrid. (...)

(...) Infelicemente, le shah non essera contente longemente. (...)

Pro le momento le shah faceva compras in le mundo al grandor de milliarodos
e ex omne contintentes sortiva naves con destination a Iran. Ma attingente
le Sino Perse il se monstrava que il non habeva portos in Iran (lo que le
shah non sapeva) . I.e. il habeva portos, ma parve e obsolete, non-capace
acceptar un tal massa de cargas. Alcun centos de naves stava in le
marattendente su vice, sovente stava un medie-anno! Pro iste stoppages Iran
pagava le companias de naves un milliardo de dollars per anno. Gradualmente
on discargava le naves, ma tunc se monstrava, que Iran non ha magasines (lo
que le shah non sapeva).
....

E le resto es le description del tragic e horripilante degeneration de un
monarcha qui non poteva governar malgrado certo bon intentiones.




Kjell [log in to unmask]
Kjell Rehnstroem
Vaenortsgatan 87
S-752 64  UPPSALA
Suedia - Sweden