Mario Malaguti wrote:
> 
> Car Amicas e Amicos,
> 
> heri, al unanimitate, le altere dece-quatro Paises del Union Europee, per
> le medio del presidentia portugese e ab initiativa de Brussel e de Paris,
> ha officialmente informate Austria que, sia le UE, como omne Pais del UE,
> recusara le accordos europee con Austria, si le dextra, que professa
> xenophobia e ideales nazista, sera appellate al formation del nove
> Governamento austriac, nonobstante le resultatos del libere electiones.
> Austria es uno del Paises del Euro.

Alcun commentatores ci in Svedia es de accordo con le UE, ma il ha anque
essite illes que dice que isto debe esser le cosa interne pro Austria. Si le
populo nunc ha facite iste election, illes debe anque supportar les in le
governamento. Alcun specialistas in derecto international era hodie matino
dubitose si le UE legalmente ha le derecto interdicer al population de un pais
eliger un certe politico. Al vespere on era un poco plus convincite que le UE
face lo justo.

Mi personal opoinon es que tal partitos debe - si illes ha le supporto del
voto - seder in le governamento e assumer responsabilitate. Le facto es que le
socialdemocrates e un partito conservator ha essite in coallition durante
multissime annos, e le partita de Heyder (o como ille se scribe) ha essite
tote le tempore in opposition. Il es multo plus facile esser in le opposition,
proque on non debe realisar lo que on promitte. Heider (orth) debe assumer le
responsabilitate si ille ha le necesse numero de votos. Humanos debe prender
le responsabilitate al quales illes vota. Nos non vive in le 30 e le
conditiones es multo differente. Austria non pote, mesmo si un majoritate del
population lo desireva, introducer leges que non es in accordo con le leges in
le resto del paises del union. In facto on face un significante adaptation al
legislatura in omne le paises, e como io lo comprende il es totalmente
impossibile facer multo plus que su travalio, si ille persona veni al poter. E
si ille indica le volentia usar violentia al populo, tunc le Union pote
intervenir. Pro isto il ha leges e toto. Ma interdir a Heider nunc significa
que on debera ceder in le futuro. Lassa le senior monstrar si ille es capabile governar.

Mario, tu es multo plus proxime al centro del occurrentias. Ha tu audite o
legite alque del como functiona le governamento de Heider in Carinthia
(Kärnten), su provincia de Jörg Heider?

Amicalmente