Le rolo del anglese in Europa es 
vermente interessante. Ego es satis 
sovente in Polonia, ergo ego ha 
experientia et del rolo del anglese 
in Svedia e in Polonia, e isto es 
un interessante cosa. Ora in 
relation al Die de Independentia de 
Polonia, le 11/11, le television 
parlava de "squatters", lo que, si 
ego ben memora primo deveniva 
"squatery" e postea polonisate a 
"skłotery", lo que on solmente 
comprende si on lege le parola a 
voce e recipe ['skwotery]. In 
svedese onn non usa le parola 
anglese pro iste cosa, ma on dice 
"occupantes de un casa" > 
"*casa-occupantes"!

Un altere anglese parola que ha 
inundate Europa es "native 
speaker". On prefere que le 
instructor de un lingua es un 
"native speaker" Le polonese usa 
iste parola con necesse ornamentos 
del grammatica polonese. In svedia 
on sovente parla de "parlatores de 
lingua maternal" > 
"*materne-lingua-parolantes". 
Polonese era in plu antecendente 
stadios de su evolution satis 
puristic. Assi on ha proprie 
parolas pro auto(mobile) (samochód 
- *ipse-vado e pro avion que es 
"samolot" (*ipse-vola). In ille 
caso le svedese prendeva le parola 
2bil" pro le auto e "flygplan" 
naturalmente del anglese airplane, 
ubi on substitueva le parola air 
per le svedese correspondente al 
verbo "volar" = flyga. Como vos 
vide le acceptation del anglese non 
es uniforme in le varie linguas 
europee.

Con friendlial greetingos

Kjell R


--
Pro leger le archivos e pro modificar o cancellar le subscription:
http://listserv.icors.org/archives/interlng.html