At 09:38 PM 25 05 98 +0200, Kjell Rehnström scribeva:

>Hodie io viagiava per autobus al nord de Uppland e legeva durante le viage
>un capitulo ex Shah-in-shah de Ryszard Kapuscinski. Si ille libro es
>traducite in vostre lingua - ancora non existe in interlingua infelicemente
>- io recommenda que vos lo lege. Le libro contine un del optime
>descriptiones del ultime annos del regimine del shah Mohammad-Rezah Pahlevi
>e le prime annos del revolution de Ayatollah Khomeini. E in passante ille
>describe le possibilitates de un revolution e le resultatos de
>totalitarismo. Le texto attinge alturas de eloquentia. Io spera que io
>habera tempore traducer un pecia pro voste degustation in un proxime
>futuro...
>
>Il habera ancora alcun dies con mal temperie. Desde jovedi nos habera de
>novo calor (secundo conditiones scandinave....)

Secundo mi opinion, Kapuscinski es le melior jornalista del mundo (inter
illes que io cognosce). Su libro sur le revolution Ethiopian, "Le
Imperator", es tanto bon que le "Shah de shahs". Io ha legite que, al
tempore que illo ("Le Imperator") esseva publicate in Polonia, le annos de
septantas, multe poloneses ha lo interpretate como un obra de fiction, un
roman a clef satirisante le regima communista. 

Io sta a traducer un intervista con Kupuscinski ex le jornal New
Perspectives Quarterly, in le qual ille - inter alteres - critica le these
"lucta de civilisationes" de Samuel Huntington. Io voleva anque traducer un
intervista con Huntington ex le mesme numero e poner los ambes in mi (in
momento ancora non existante) sito web.

Amicalmente
Chris Burd