>Sape tu Stan le existentia del version in latino
>macaronic que dice: "De gustibus non est sputandum."?
>Non se expectora reguardo al gusto personal.

Isto es equalmente bon!

>
>Que decidera le presidente Bush?

Tote le mundo crede que ille va lancear le guerra tosto,
con o sin alliatos.

Io es alquanto anxie con respecto al tempore si isto
comencia in april, le tempore de tempestas de pulvere.
E le temperatura deveni multo calide.

Io pensa del Armada de Espania que ha venite a invader
Anglaterra sub le Regina Elizabeth.  O del mongolos qui
ha essayate invader Japon e esseva destruite per un
grande tempesta a mar.  O Napoleon in Russia.

E io es anxie si isto deveni un guerra in le citate
de Baghdad, con tote le cititanos innocente.

Il ha reportos que Saddam Hussein ha date uniformes
american a alcun de su truppos tal que illes pote
attaccar su cititanos qui va blasmar le americanos.

Naturalmente, si le inimico es in tu uniforme, ille
es occidite al sito.  Un periculose curso pro un
soldato es isto.

>Io conta le horas pro vider como finira iste competition.

Io tamben.

Io ha sentimentos miscite.  Io non vole nostre militar faller
in lor missiones.  Io crede que le guerra es juste mais non
proque Saddam Hussein es un periculo immediate a nostre pais.
Ille ha refusate a disarmar como le accordo su pais ha signate
al fin del prime Guerra del Golfo.

Io crede que le francese ha un interesse in opponer isto.  Illes
recipe petroleo contrabandate foras Irak per Turchia, portate in
le centos de camiones equippate con special reservoires sub illos
que viagia inter Irak e Turchia.

E in altere respectos con le resto del politicas del Administration
Bush io es opponite.  Su plano a solver le problemas del economia per
eliminar le taxas super le dividendos de actiones pagate a individuos
non me pare capace de solver le problema durante que illo concentra
mesmo plus le proprietate de capital. Io favora elimination del taxas
a corporationes super le dividendos pagate, mais non le taxas a
individuos qui recipe tal dividendos. (Isto es le problema del duple
taxation super le dividendos). E crescer le debito national
va solmente requirer le pagamento de plus e plus interesse super
aquelle debito, que va facer difficile mantener o le militar o le
programmas social.

Assi in un certe senso io vole que ille falle, pro demonstrar su
incompetentia a mesmo su proprie adherentes.  Ille ha monstrate un
complete incompetentia in le affaires extranee.


Cordialmente,
Stan