Con respecto al discurso de Presidente Bush al Nationes Unite, io
ha audite lo in le radio durante que io conduceva mi automobile
a mi officina a Georgia Tech.

Primo, io debe indicar que io non votava pro Bush como Presidente,
e io non favora su politicas con respecto a taxas, le ambiente,
abortion, le recerca con le cellulas generic, etc. etc.

Totevia con respecto al guerra contra le terrorismo, io es un forte
appoiator.

Il non esseva solmente americanos qui esseva occidite in le attacco
super le Centro de Commercio Mundial.  Il habeva britannicos,
mexicanos, indianos, germanos, japonese, etc. qui laborava in le
duo turres.

Io crede que le mundo appoia le Statos Unite in su guerra contra
le secto arabe que attaccava nos.

Ora con respecto a Saddam Hussein, usque ora io ha essite minus
convincite del necessitate de inviar truppas in Irak.  Mais le
caso es isto, como presentate per Bush:  Saddam Hussein ha semper
monstrate le objectivo a usar qualcunque medios de que ille es
capace a dominar non solmente su proprie populos, mais su vicinos.
Ille ha usate gas toxic a occider non solmente le kurdos mais
le iranianos.

Quando le guerra a liberar Kuwait esseva a fin, le iraqis ha
signate accordos que illes va disarmar se, va stoppar le attaccos
super le kurdos e le shiites in su pais, va pagar reparationes a
Kuwait, va stoppar le fabrication de armas de destruction massive,
va usar le ricchessa recipite pro vender su petroleo solmente pro
adjutar e nutrir su populo, va permitter le libere inspection de
su pais a determinar que ille non fabrica le armas de destruction--
le gas toxic, le armas biologic, le armas nuclear.  Mais ille ha
dishonorate tote iste accordos.  Ille ha continuate a fabricar
armas de destruction massive.  E durante quatro annos ille ha
refusate alcun inspectiones in su pais per inspectores del Nationes
Unite.  Mais le intelligentia es que ille ha continuate a cercar
medios pro fabricar armas de destruction massive.  Ille non ha
adjutate e nutrite su populo. E le lista es longe de accordos
que ille ha dishonorate.  E le periculo de ille cresce.  E que
face le Nationes Unite o le diplomates?  Parla e parla e parla
e seder se super lor manos.  Le intelligentia es que ille pote
posseder un arma nuclear con le capace de inviar lo a su vicinos
e possibilemente mesmo nos in le Statos Unite, o a Europa, post
obtenir le materia nuclear necesse.  E iste materia es disponibile
in le paises ex-sovietic.  Ille ha rocchettas que pote attinger
Israel e nos es secur capites explosive con sporas de anthrace.

Saddam Hussein ha sacrificate su populo pro prosequer iste objectivos
de obtenir iste armas de destruction massive.

Es iste armas solmente pro le defensa?  Contra qui, si ille non es
un mencacia?  Ille ha inimicos solmente proque ille menacia alteros
e ha jam occidite milles.

Le Nationes Unite, secundo Bush, debe infortiar su resolutiones
e accordos con Saddam Hussein.  E le periculo es proxime.

Il non es multo differente que le maniera in que le vicinos de
Germania ha tolerate Hitler e dispelleva credentia in ille como
un menacia, usque illo esseva troppo tarde.  Illes non voleva
facer le effortio dolorose e costose de stoppar le.  E que
resultava?

Isto es le thema de Bush.

Stan