> Salute Mario!
> Il sembla que omne citate ha simile problemas.
> Kjell R

Salute Kjell!
Venetia non ha traffico automobilistic, al minus in su centro historic
lagunar, e
totevia le citate suffre le phenomeno nominate "moto undose" (movimento del
undas) que reguarda le
undas provocate per le barcas a motor que passa troppo veloce. Iste undas
leva le terra subtus le edificios e le ripas que es al bordo del canales.
Heri Venetia habeva un exceptional alte marea de 145 centimetros supra le
normal nivello del laguna, un altere realitate disastrose illo del mareas
alte.
Le Venetia terrestre, que es plus grande del parte historic, ha un grande
problema de traffico
con caudas de automobiles que pote durar anque alcun horas. Alora on parla
de "passante" un nove grande strata que passara a nord del centro urban
justo intra Venetia e Treviso, o
alternativemente de un tunnel que passarea subtus le parte nord del centro
urban, o de
ambe le duo solutiones.
Un altere passante debe esser completate a nord de Treviso. Intertanto passa
le annos perque le communitates local face opposition
Omne septimana que passa le situation deveni sempre plus insostenibile.
In plus tote le Region Veneto que ha un grande quantitate de stratas, multe
de illos forma ancora le reticulos roman ante Christo, deveni
sempre plus un problema perque le stratas non es assi large, il non es
sempre possibile allargar los e, le facto que determina iste situation es le
exigentia crescente del traffico commercial. Assi on reclama altere
solutiones con stratas adequate e mesmo traffico commercial ponite supra le
trainos pro superar iste situationes que vide le Veneto sempre plus un
Region que face le cardine inter le resto de Italia e le Paises del centro
Europa.
Austra ha nostre mesme situation supertoto pro le traffico inter Italia e
Germania.
Le traffico commercial per stratas o, como se dice, supra rotas, deveni un
oppression omne die major.
Le traffico private se trova in iste realitate e contribue pro su parte al
gravitate del problemas.

Alcun septimanas retro Venetia deveniva sede permanente de studios mundial
de iste
realitate que interessa principalmente le grande citates del Nord America.
Le ver problema pare esser illo de contener le percursos vitiose del
automobiles que cerca sin trovar locos de parcamentos, le excambiatores o
autoparcos pro commutar, como
scribeva Kiell.
E un altere aspecto international es illo del parcamentos interrate que non
veni utilisate ultra le secunde plano interrate o in le horas del nocte
perque le
personas ha pavor. Isto provoca precios elevate pro controllos e minor
occupation e, altere consequentia, le minor uso de iste parcamentos que
deveni non plus economic.

Le verde del campanias venete deveni sempre minor a causa del stratas e del
insediamentos industrial que non trova plus obreros local, assi nos ha
devenite terra de immigration intensissime. Le decentralisar o delocalisar
in Romania es
actualmente un realitate frequente e illo interessa anque Regiones del
Italia del Sud e altere Paises del Balkanes. Optime solutiones que totevia
intensifica le exigentia del trafficos.
Il pare que le problemas presenta altere problemas e que le qualitate del
vita sia destinate a pejorar sin precise remedios.

Que facer? Intertanto io exi pro un promenada ubi le citate es interdite al
traffico del automobiles. Il es le 17:45 e le die ha lassate le posto al
nocte.
Il face un vento que es bastante violente. Illo servi nomentaneemente a
liberar nos
ab le pollution. E in le vicin Austria heri le vento a ultra 160 Kms/horas
faceva derailar un traino!

Ciao,

Mario, in proxime revision!