From: Kjell Rehnstrom <[log in to unmask]>
> Horacio Martinez wrote:
> >     Como io diceva in altere messages, io era surprendite del clima del
region.
> > In le horas de sol le temperie nunquam passava del +15 ºC
> > e in le nocte le thermometro bassava a +4 o +5 ºC.

Parlante de climas, heri nos recipeva hic in Nove
Hampshire, in le region Monadnock, plus que un
metro de nive in alcun localitates. Io vive in le
citate de Keene, ubi le accumulation de nive superava
70 centimetros. In alcun partes, circa le Montania
Monadnock, que da nomine al region, le accumulation
superava un metro.

Jam medie hora retro io laborava pro excavar nostre
vehiculos ex le nive. Illos non esseva del toto visibile.
Solmente montes blanc hic e illac de nive, multo
molliate e pesante. Le nive cadeva al rata de quatro
o cinque centimetros per hora, e continuava desde
heri medie-die usque iste matino. Hodie nos spera
que il non habera plus nive, ma le metereologista
al television dice que on pote vider alcun duchas
de nive in alcun sitos, e le vento poterea re-coperir
superficies jam acclarate per le arietanives, il es
le camiones-remove-nive.

Le temperatura hodie pare plus calide que heri.
In alcun placias on audi le sono de guttas de aqua,
cadente del tectos sin formar stalactites de glacie.
Isto significa que le temperatura, al minus hic in
le area de Keene, es super 0 centigrados. (O como
on dice hic super 32 grados Farenheit).

Ma al altere localitates, on diceva in le television,
le situation es differente, e multe locos non ha
electricitate o communicationes, e le arietanives
essaya febrilmente de acclarar le accesso a partes
plus remote e distante del sitos urban.

Io da gratias a Deo que nos non perdeva le
electricitate. Nostre casa de appartamentos
es califacite per electricitate e in alcun casos
foras del citate le casas ha bombas de aqua
electric, si illes perde le electricitate illes non
ha aqua pro biber, lavar etc., e debe ir a
sitos ubi on pote reciper contenitores de
aqua pro emergentias.

Le resultato de tante nive in un colpo es que
le vicinitate es in un stato de choc. Quando
io vadeva foras poc vicinos es a laborar
pro acclarar camminos o excavar lor  vehiculos.
Multe del personas require un o duo horas
plus pro ir al travalio, le negotios comprende
e sape que il es multo difficile pro alcun
familias sortir de casa. Le scholas cancellava
classes hodie, e io trova que io ha un die
de vacantias  Ma un vacantias plen de labor.
Ay ay ay, mi dorso dolorente, mi pedes
e manos gelate, qui pensa que le nive es
un cosa belle? Veni, visita hic! :-)))

Congelatissimemente,
Jay B.