Io jam ha inviate a Thomas Breinstrup le secunde parte
del curso (duo partes ex octo). Ecce le summario del
scenas de Parte III:
---
SCENA 1: In iste scena, le agente monstra un officio
vacue. Secundo lo que ille dice a Catherina quando
illes vade illac, le officio es in un del districtos
le plus elegante de Geneva.
Catherina examina omne detaliatemente e face planes
pro cambiar unes cosas. Illa vole un area de
reception plus parve con plus spatio pro le officios.
Le agente confirma que iste cambios debe presentar
nulle problemas. Postea illa verifica unes detalios
sur le contracto de location: le precio de location,
su periodo de tempore (tres annos, con le option de
extender le contracto). Catherina e le agente retorna
a su officio pro concluder le formalitates.
---
SCENA 2: Le officio de Geneva: Petro finalmente
trova Catherina post perder se unes minutas in le
tertie etage. Catherina le monstra lor nove officios,
e Petro los trova assatis impressionante.
Ille verifica que le telephonos functiona ben, e illes
parla sur le necessitate de contractar un nove
receptionista/secretaria.
Petro telephonara Alan Tanner in cerca de su adjuta
pro trovar un candidato convenibile. Al fin del scena
nos apprende que Petro debera comenciar un altere
viage.
---
SCENA 3: Petro vade al officio de Alan Tanner. Ille
dice que ille debe trovar un receptionista/secretaria,
e ille volerea saper si Alan poterea adjuvar le con le
problema.
Allen suggere manieras differente pro initiar un
cerca. Quanto a cercar un nove appartamento, il pare
que un certe persona mysteriose jam ha resolvite iste
problema pro Petro.
---
SCENA 4: Geneva, le officios del holding: Petro
parla al senior Chambon, qui ha le responsibilitate de
cercar appartamentos pro le personal de su compania.
Le secretaria de Petro, Alicia, telephonava ex
Strasbourg e reservava duo appartamentos pro ille e
illa, le un juxta le altere. Petro dice que ille non
vole viver apud su secretaria e que ille vole un parve
appartamento in un altere edificio a un certe
distantia de illa.
---
SCENA 5: Le officio de Geneva: Catherina ha reunite
omne le membros de su equipa pro introducer les le un
al altere. Durante que illes attende que le ultime
duo personas arriva, Catherina da un littera a Petro.
Illo veni de Alicia, qui passa unes dies feriate in le
Costa Brava e vole communicar a Petro lo que illa ha
facite pro lor transferimento a Geneva.
Petro deveni mesmo plus irritate quando ille lege
isto. Catherina interrumpe su murmures pro introducer
le a duo collegas nove sue, qui justo ha arrivate.
---
SCENA 6: Le officio a Geneva: Quando le scena
comencia, Petro parla con Olivero Rossi, le contabile
del compania. Ille vole le adjuta de Rossi pro
arrivar al precios e expensas pro le plan de un
projecto que ille ha projectate.
Rossi insiste que le precios que ille producera essera
applicabile solmente pro le projecto que Petro ha in
le mano e que illos non potera applicar se a ulle
altere projecto pro ulle altere citate.
Ma Petro jam sape illo. Ille non ha besonio de omne
le detalios. Tunc Petro dicta duo litteras, un al
senior Melville, dicente le que ille tosto va inviar
le le information que ille voleva.
Le altere littera es a Alicia. In iste littera Petro
pretende esser le functionario administrative. In
illo ille dice a Alicia que infelicemente il esseva
impossibile trovar duo appartamentos conjuncte, e
solmente illes poteva trovar pro le senior Minelli un
multe parve appartamento de un camera.
Facite isto, Petro vade a Catherina pro describer su
conversation con le senior Melville e le littera que
illa ha inviate. Obviemente ille spera que Catherina
approbara, ma su reaciton non es exactemente lo que
ille attendeva.
__________________________________________________
Do you Yahoo!?
Yahoo! Platinum - Watch CBS' NCAA March Madness, live on your desktop!
http://platinum.yahoo.com
|
