Luca Ghitti wrote:

> Proque _dialecto italian_? Le sitos son completemente scripte in italiano!
> Le italiano es un lingua culte e litterari nunc jam desde seculos, e nunc
> illo es correctemente (?), plus o minus, parlate per 57 milliones de
> italianos. Io ha lecte que le italiano ha site e illo es ancora un del dece
> lingua de cultura le plus importante del mundo.
> O forsan, an tu vole intender qui tu comprende etiam le dialectos
> italian in general sapente Interlingua? Oh alora, vivat Interlingua!

Non del toto! Il era solo un exemplo de mi insuccessente humor! Ego voleva
solo suggerer que interlingua es le lingua principal e francese, italiano e
espaniol etc. es plus dialectos de interlingua. Isto es vermente como quando
le mus (mure) face le leon!

Ma a un angulo plus seriose, in facto mi preoccupation con interlingua me ha
adjuvate de comprender melio le italiano (que ego non ha studiate formalmente,
ben que ego ha jectate mi reguardos in un grammatica italian unquam, e ego ha
un dictionario italiano-svedese-italiano. Le amusante cosa es que le parolas
italian que ego non pote divinar per interlingua etiam se non trova in mi
dictionario!

Le bon humor es difficile trans le frontieras linguistic, ma nos debe probar,
nonne?

Sperante que ego ha diminuite tu perplexitate!

Amicalmente

Cellus