Salute omne amicos interlinguan!
Il es un ver gaudio revenir a vos. Io habeva un massa de problemas con mi
programmas pro contacto con le provisor ABC-klubben in Stockholm. Naturalmente
como frequentemente io ipse era le culpabile. On non debe cambiar isto que
functiona. Io habeva tentate adherer a un nove provisor svedese e
krrrraaakkkk! Toto era un ruina solo blandemente demonstrante su beltate
anterior.

Per un amico qui ha le mesme connection que io, il era possibile transfunder
le posta del interling, sed tamen isto non era lo mesme: imagina que tu pote
leger omne le interessante discussiones - sed non pote responder.

Ergo le facto que io es adjungite al rete per medio de America Online pote
esser un demonstration del interrete como un mundo sin frontieras. Como sempre
le veritate es un altere cosa!

Io tenta nunc apprender como scriber messages al gruppos de notitias (le
newsgroups) in le Usenet. Isto non es totalmente trivial, sed per le tempore
io sperabilemente apprendera. Io habeva un altere legenotitias que functionava
melio sed illo non functiona con le AOL.

Isto es toto in re le tecnica. In le futuro io va flottar in le spacios del
linguas e le ideas interessante.

Amicalmente