Greg Kondrak scribeva:

>> Paolo Castellina wrote:
>> >
>> > Esque vos cognosce iste sito?
>> > http://www.homunculus.com/access/ClientPersonalities/FaFaMen
>> > us/Babel/AInterlingua.html
>
>Io crede que nos debe supponer que le authores de iste sito non
>deliberatemente presenta mendacios re Interlingua, ma que illes non
>sape le factos ver. Alicun debe les fornir le ligamines correcte al
>nostre sitos, e forsan politemente indicar le plus grave
>misinformationes.
>
>Greg

Io ha visitate jam iste sito, e ha pensate a inviar un littera al autor con
certe correctiones. Ma pro dicer le veritate, illo es lontan de esser le
pejor sito-www sur interlingua. Il ha plure parve errores factual sur le
lingua ipse, que non me inquieta multo. Le errores le plus grande concerne
le historia de Ia (p. ex., illo non "moriva" post le morte de dr Gode); le
sistema de standardisation de IALA (le autor reguarde le selection de
parolas como arbitrari); e, plus importante, le judicamento que Ia es
"facile a leger, quasi impossibile a scriber o parlar".

Iste ultime puncto es (a mi aviso), largemente acceptate in le mundo de
interlinguistica, e representa un ver colpo de propaganda pro le campo
esperantista. Illo es false - ma como esque nos pote monstrar isto pro le
publica? Un question que merita discussion.

Chris Burd

Victoria, Columbia Britannic
Canada