On Mon, 16 Aug 2004 10:06:36 +0200, =?ISO-8859-1?Q?Kjell_Rehnstr=F6m?=
<[log in to unmask]> wrote:

>Ego videva que tu habeva prendite alcun articulos ex Metro que on, pro
>exemplo,  distribue gratis in le metro de Stockholm. Es illo anque
>distribuite assi in Budapeszt? On dice que il existed un moderne metro
>ibi. Quando ego visitava Budapeszt il habeva solo un parve metro in le
>parte central con vetuste tramvays, que in facto era le prime del
>mundo!
>
>Kjell R

Il se age de Budapest, non Budapeszt (in le hungaro le 's' signa le
consonante anglese 'sh', francese 'ch'; e le 's'signa le consonante 's' de
altere linguas europee; dunque le cosa es justo le inverso del practica
polonese).

Si, le gratis jornal "Metró" es distribuite e redigite anque in Hungaria
(non solmente in le metros, mesmo non exclusivemente in Budapest), in le
hungaro.

Le metro de Budapest de nunc esseva contruite ante 30-20 annos, alora non
pote esser considerate "moderne". Ma il es certe, que le tramways totevia
non es le mesme, le quales vos videva, quando vos visitava nostre capital
(io suppone, isto occureva ante plus, que 30 annos, similarmente, como
vostre visita in Romania, nonne?).

In cetero nunc occure le renovation del metro in Budapest; in le autumno
toto essera preste. On va vider, quanto moderne le stationes (o forsan
anque le tramways?) essera...

Amicalmente:

Petro