Car Migel,
Tu demanda saper que es le "coollist" le [log in to unmask]
es un lista de email pro uso per personas interessate in Interlingua
e le discussion de themas in e super interlingua. On pote inviar
messages demandante adjuta con vocabulario, grammatica e
recercas linguistic. Quasi sempre il es advisabile scriber in
Interlingua de IALA, ma personas pote inviar messages in
qualque altere lingua sin timor de suffrer alcun flammas.

Hic infra alcun information in re le [log in to unmask]
pro comprender melior su scopo. Pro te Migel, e pro qualque
altere personas que pote esser interessate...

Le original [log in to unmask] comenciava con mi
sperantia de provider lectiones septimanal o mensual in
le studio de Interlingua. Ma ille labor nunquam dava multo
fructos viste que le numero de interessatos non esseva lo
bastante grande pro satisfacer le demanda de articulos e de
lectiones. Ma con examination del opportunitates pro le lista
il pareva possibile haber un placia pro le discussiones non tanto
benvenite al INTERLNG in re le terminos de vocabulario e le recercas
linguistic.

Con le uso del [log in to unmask] on ha le option de inviar nove
punctos de vista, revisar vocabulario, facer inquestas super terminos
e recercas, e alsi saper que le unic consideration es que il es como date
per comprendite que necun persona ha le derecto de minuspreciar
qualque altere persona, mais que omne es invitate a prender parte al
discussiones. On debe comprender que le invitation pro messages
extende a omne personas interessate in Interlingua e que ama le
studio del belle lingua auxiliar e international. Le
[log in to unmask]
non ha un scopo lucrose e il es intendite como un excambio de ideas
in un foro amical. Le offerta de negotios e spam non son benvenite
al lista. Solmente con le sperantia de satisfacer le intercambio de
information e le discussion inter amicos in nivello equal e con le
melior intentiones on deberea facer se membro del lista.

On se pote junger al lista pro medio directe o indirecte... le robot
accepta subscriptiones automaticamente, o in persona solmente
inviar un message a su servitor presente... a me :-)

Pro rationes discutite in le INTERLNG e privatemente io non nunc
invita activemente a personas al [log in to unmask] pro le
timor de alcunos que illo esserea in competition con le INTERLNG,
cosa que io nunquam volerea, e alsi que le discussiones in re le
vocabulario e grammatica pote esser un obstaculo pro le nove
interessatos. Tunc il es aperte pro qualque vole junger se ma il
non ha plannos pro expander e pro activemente trovar membros
al lista. Il es un lista voluntari pro discussiones amical e pro le
intercambio de ideas e recercas.

Sincer e amicalmente,
Jay B.
----- Original Message -----
From: Michael D. Edwards
To: [log in to unmask]
Sent: Saturday, September 25, 1999 10:04 AM
Subject: Interlingua in le SUA


Salute amico(a)s:

Que es ocurrente con IL in le SUA? Il me pare que le interlinguausa @
onelist.com non es active.

Tamben, que altere methodos il ha, pro practicar interlingua. Que es "cool
list"? Io habeva visitate "delphi" pro le foros in Interlingua.

Gratias,
Migel