Se formava un situation multissimo tense in Torda apud Nagybecskerek (in le serbo Zrenjanin), post quando juvene serbos del village vicin visitava le village mesmo duo vices pro rixar con le hungaros ibi.
Durante le passate sesquialtere septimana transiva 15-20 juvenos serbe ex le village de Udvarnok (Banatski Dvor) a Torda, situante 10 kilometros del village pro luctar con le hungaros de ibi - annunciava János Dobai, le vice-presidente in Torda del VMSZ (Vajdasági Magyar Szövetség - Alliantia Hungare de Vojvodina) a jovedi. Ille narrava, que illes esseva principalmente juvene refugiatos serbe de Bosnia, le quales colpava in le discotheca de Torda quatro-cinque juvenes hungare sin ulle causa.

Le prime vice - que occureva ante un sesquialtere septimana - le juvenes de Torda non ha reagite, le policia anque non se occupava con le affaire. Ma in le aurora a sabbato appareva de nove in Torda le mesme serbos de Udvarnok (Banatski Dvor), e commenciava colpar le hungaros in le discotheca, postea illes ruitava in le centro del village.

Postea 40-50 parentes incirculava le agressores, le quales refugiava al corte del templo, respectivemente del schola. Le policia arrivava post un sesquialtere hora, commenciava protectar le serbos, nonobstante qualques del parentes hungare de Torda batteva totevia le juvene serbos, le quales partiva accompaniate per le policia.

Secundo Dobai se formava un situation extremente tense in Torda, nam le serbos de Udvarnok (Banatski Dvor) ha inviate le message, que in iste fin del septimana arrivara 50 personas in le village pro vindicar se de lor companiones, e le hungaros de Torda commenciava organisar se. Secundo le vice-presindente del VMSZ le chefes de partitos confereva con le representantes del governamento local e con illos del policia pro arrestar un problema plus grande. Le policia promitteva, que illo denuncia le agressores, e invia un ronda de nocte (patrulia) constante in le village.

József Kasza, le presidente del VMSZ admonava, que le hungaros non va tolerar tal actiones usque le eternitate. Secundo ille le policia non debe render lo possibile, que le situation deveni tal, que le minoritates sia constringite a organisar se. A jovedi le representantes del governamento de Vojvodina, Gábor Lódi e Duško Jakovljev anque condemnava le caso occurite. Le Torda de 1800 personas es habitate per hungaros in 90 pro centos, le resto es principalmente romas (tsiganos). Le habitantes de Udvarnok (Banatski Dvor) de 1300 personas es serbos in 60 pro centos, e hungaros in 40 %-os.

(Fin del traduction de un articulo hungare in le rete. Iste traduction se lege anque in le blog Internodio e anque in mi blog personal.)


--------------------------------------------------------------------------------


Le provincia Vojvodina (in le hungaro Délvidék o Vajdaság) es le parte nordic de Serbia, que olim appertineva a Hungaria. Il vive multe homines de nationalitate lingua materne hungare ibi como minoritate. In le ultime tempores multe refugiatos o immigrantes serbe se translocava del Sud a territorios habitate desde longe principalmente de hungaros. Le comportamento del serbos habitante ibi traditionalmente ja desde seculos non causa problemas, ma illo de iste nove habitantes serbe (in le articulo se tractava p. ex. super serbos de Bosnia) es un fonte de conflictos. Illes sovente commencia colpar, rixar le hungaros (un del habitantes traditional de iste territorio) sin ulle causa, offender los, pinger inscriptiones nationalista sur lor muros, menaciante le hungaros con morte, reclamante, que cata hungaro transloca a Hungaria (malgrado, que de facto illes, iste nove habitantes serbe de iste territorio son le intrusos ibi), etc. Un familia post habente essite bastonate e recipite tal subscriptiones sur lor muros non poteva plus tolerar iste actiones, e demandava stato de refugiatos politic de Hungaria e translocava ibi. Il ha ya un victima mortal de iste actiones: un patre, qui voleva adjutar su filia incirculate e colpate per serbos; sur le via ille obteneva infarcto... Le policia serbe naturalmente sta al latere del serbos: o illo non face alique, age talmente, quasi il occureva nihil, o non puni le serbos, etc. Le numero del atrocitates se cresce de die al die.

Que vos pensa, esque isto pote esser un fonte de un nove conflicto ethnic concernente del serbos (como quasi omne le conflictos recente sur le Balcanes)? Esque isto pote causar mesmo guerra (non da lo le Deo!)?

KOVÁCS Péter (Petro Kovacs) de Hungaria (cuje granpatre nasceva in iste territorio Délvidék/Vajdaság/Vojvodine)