Illes qui ha interesse pote subscriber se a "Voce de Interlingua",
publicate per Piet Cleij. Ego ha recipite le ultime numero de iste
publication e ha alcun reflexiones.

Ibi il ha unn comparation inter linguas Europee e Esperanto e
Interlingua. In mi opinion le comparation es multo tendentiose, e isto
es un cosa que da nulle profito a nos. In le publication Piet dice que
le equivalente del interlinguan "information" es "sciigo" in Esperanto.
Il debe esser notate que in le caso que "information" = "sciigo" alora
le svedese exemplo "information" es false, nam sciigo es "meddelande" in
svedese, i.e. on "*cognoscifica" un cosa a un altere persona.

Naturalmente nos vive in un liberre union de paises e cate face lo que
ille vole in le informar de intelringua, ma mi proprie, multo humile
opinion es que tendentiose presentationes de interlingua es poco
auxiliari. Lo que es plus importante es que on usa interlingua, si multo
que possibile e non solo al initiate facionados ma anque a altere qui ha
le juste fundo lingual pro comprender lo.

Kjell R

======================================================
Pro disabonar te del lista, invia un message a
[log in to unmask] con le texto:

  UNSUBSCRIBE INTERLNG

o visita le sito del lista:

  http://maelstrom.stjohns.edu/archives/interlng.html
======================================================
Visita le sito official del Union Mundial pro
Interlingua:

  http://www.interlingua.com/
======================================================